Իրանի արտաքին գործերի նախարարի եռօրյա այցը Պակիստան
Իրանի արտաքին գործերի նախարար Հոսեյն Ամիր Աբդոլլահյանը Թեհրանից մեկնել է Իսլամաբադ՝ Պակիստանի բարձրաստիճան պաշտոնյաների հետ հանդիպելու և խորհրդակցելու նպատակով։
Իրանի Իսլամական Հանրապետության դեսպան Ռեզա Ամիրի Մողադամը ԻՌՆԱ-ին տված բացառիկ հարցազրույցում, բացատրելով եռօրյա այցի մանրամասները, ասել է. -«Հինգշաբթի ԱԳ նախարարը մի շարք հանդիպումներ կունենա Պակիստանի պաշտոնյաների հետ, այդ թվում՝ այդ երկրի վարչապետի, խորհրդարանի նախագահի, արտաքին գործերի նախարարի և բանակի հրամանատարի հետ»։
Ուրբաթ օրը Ամիր Աբդոլլահյանն Իսլամաբադից կմեկնի Կարաչի։ Կարաչիում տեղի կունենան հանդիպումներ այդ քաղաքի պաշտոնյաների հետ, և հանդիպում իրանցիների հետ: Նախարարը կմասնակցի Կարաչիի ուրբաթօրյա աղոթքին:
Նա նաև հանդիպում կունենա Կարաչիի վաճառականների ու գործարարների հետ։
Մինչ Իրանի արտաքին գործերի նախարարի Պակիստան այցը, նրա տնտեսական հարցերով տեղակալ Սաֆարին գլխավորելով տնտեսական պատվիրակություն մեկնել է Իսլամաբադ՝ հանդիպելու իր գործընկերների և Պակիստանի տնտեսական տարբեր հատվածների հետ՝ պայմանավորվածություններ ձեռք բերելու առևտրատնտեսական փոխանակումների զարգացման վերաբերյալ։
