Իրանի նախաձեռնությունը վերականգնեց փոխվստահությունը տարածաշրջանի երկրների միջև. Բաղերի Քանի

Իրանի Իսլամական Հանրապետության արտաքին գործերի նախարարի քաղաքական գծով տեղակալն ընդգծել է, որ 13-րդ շրջանի կառավարության նախաձեռնությունը նոր պայմաններ է ստեղծել տարածաշրջանում և վերականգնել քաղաքական փոխվստահությունը տարածաշրջանի երկրների միջև։

Ալի Բաղերի Քանին ԻՍՆԱ-ի հետ զրույցում նշել է. -«13-րդ շրջանի կառավարությունը իր աշխատանքն սկսելուց ի վեր մշտապես շեշտը դրել է տարածաշրջանի երկրների, հատկապես Ասիայի մեծ տերությունների հետ հարաբերությունների զարգացման վրա»։

Նշելով, որ Պարսից ծոցի տարածաշրջանի երկրների հետ Իրանի փոխգործակցության և համագործակցության հարցը հարևանության քաղաքականության գլխավոր էտապներից է, Բաղերի Քանին ասել է. -«Արտաքին քաղաքականության ասպարեզում տարածաշրջանի երկրների, հատկապես ղեկավարների մակարդակով, քաղաքական փոխվստահության վերականգնմամբ և ամրապնդմամբ մենք ապահովում ենք տարածաշրջանի պետությունների միջև դեմ առ դեմ փոխգործակցությունը»:

Արտաքին գործերի փոխնախարարը նկատել է, որ այն ներմուծվող անվտանգությունը, որին ձգտում են օտար երկրները, ոչ էնդոգեն է, ոչ համապարփակ, ոչ էլ կայուն, սակայն օտարերկրյա պետությունների կամքից բխող անվտանգությունը և՛ արհեստական ​​է, և՛ ժամանակավոր։

Բաղերի Քանի խոսքերով, Իրաքում և Աֆղանստանում ամերիկյան ուժերի և Հյուսիսատլանտյան դաշինքի՝ «ՆԱՏՕ»-ի և այլ օտարերկրացիների ներկայությունը բոլորին ապացուցեց, որ ներմուծվող անվտանգությունը ոչ կայուն է, ոչ էլ որևէ ձեռքբերում կարող է ունենալ։