Իսլամական հեղափոխության գերագույն առաջնորդի միջազգային հարցերով խորհրդականը հեռախոսազրույց է ունցել Պաղեստինի Իսլամական Ջիհադ շարժման գլխավոր քարտուղարի հետ
Իսլամական հեղափոխության գերագույն առաջնորդի միջազգային հարցերով խորհրդական Ալի Աքբար Վելայաթին Պաղեստինի Իսլամական Ջիհադ շարժման գլխավոր քարտուղար Զիյադ Ալ-Նախալահի հետ հեռախոսազրույցում կարևորել է Իրանի Իսլամական Հանրապետության կողմից Պաղեստինի ժողովրդին և նրա Դիմադրությանը ցուցաբերվող աջակցությունը:
Վելայաթին բարձր է գնահատել Պաղեստինի ժողովրդի կայունությունն ու դիմադրությունը:
Նա նաև բարձր է գնահատել Դիմադրության հերոսությունները Պաղեստինի ժողովրդի և նրա հողի ու սրբությունների պաշտպանության գործում:
Զիադ Ալ-Նախալահը ևս բարձր գնահատելով պաղեստինյան դատը պաշտպանելու Իրանի Իսլամական Հանրապետության դիրքորոշումը, Իսլամական հեղափոխության գերագույն առաջնորդի միջազգային հարցերով խորհրդականին իրազեկել է Պաղեստինում վերջին ներքին զարգացումների, ներառյալ Ղոդսի և Հորդանան գետի Արևմտյան ափի ներկա իրավիճակի, ինչպես նաև Ալ-Աղսա մզկիթի, Ղոդսի և Հորդանան գետի Արևմտյան ափի քաղաքների ու ճամբարների դեմ իրականացվող Սիոնիստական ռեժիմի ամենօրյա հարձակումների և ահաբեկչական հանցագործությունների մասին:
Պաղեստինի Իսլամական Ջիհադ շարժման գլխավոր քարտուղարը հավելել է.-«Պաղեստինի ժողովուրդը և Դիմադրության ուժերը չեն վախենում օկուպանտ ռեժիմի առաջնորդների կողմից հայտարարված սպառնալիքներից, և Դիմադրությունը կօգտագործի իր բնական և օրինական իրավունքը՝ ցանկացած ագրեսիայի դիմակայելու և պատասխանելու համար»։ .
