Իրաքում Իրանի արգելափակված ակտիվների ազատման գործընթացը մեկնարկել է.Իրանի խորհրդարանի պատգամավոր
Իրանի Իսլամական խորհրդարանի Ազգային անվտանգության հանձնաժողովի փոխնախագահը հայտնել է Իրաքում Իրանի արգելափակված գումարների ազատման գործընթացի մեկնարկի մասին։
Իրանի ակտիվներն իրաքյան բանկերում կազմում են մոտ 10 մլրդ դոլար, որոնց վճարումն Իրանին հետաձգվել է ԱՄՆ-ի խափանարարության պատճառով։
Իրանի 13-րդ շրջանի կառավարության ջանքերի և Իրաքի իշխանությունների հետ բանակցությունների արդյունքում վերացվել են Իրաքում իրանական ակտիվների վճարման խոչընդոտները։
Parstoday-ի հայերեն բաժնի հաղորդման համաձայն, Իրանի Իսլամական խորհրդարանի Ազգային անվտանգության հանձնաժողովի փոխնախագահ Շահրիար Հեյդարին անդրադառնալով Իրաքում Իրանի արգելափակված ակտիվների ազատման գործընթացի մեկնարկին, հավելել է.-«Իրաքի կառավարությունը համաձայնվել է տարբեր եղանակներով ապասառեցնել Իրանի արգելափակված ակտիվները»:
Հեյդարին նշել է, որ շարունակվում է նաև Հարավային Կորեայում արգելափակված գումարները երկիր վերադարձնելու գործընթացը։
