Էսլամի. Իրանը չի ձգտում միջուկային զենք ստեղծել
Իրանի ատոմային էներգիայի կազմակերպության ղեկավարն ասել է.«Իրանը չի ձգտում միջուկային զենք ստեղծել և ցանկանում է օգտագործել խաղաղ միջուկային էներգիան»:
Իրանում կայանում է Իսլամական միասնության 37-րդ միջազգային համաժողովը՝ «Իսլամական համագործակցություն՝ ընդհանուր արժեքների հասնելու համար» թեմայով, որին մասնակցում են ավելի քան երեք հազար գիտնականներ և մտավորականներ 41 երկրներից։
Իսլամական միասնության 37-րդ միջազգային համաժողովին մասնակցող մի խումբ հյուրեր երեկ՝ երկուշաբթի, հոկտեմբերի 2-ին, այցելել են Թեհրանի Շահիդ Ֆախրիզադեհ հետազոտական ռեակտոր և Ատոմային էներգիայի կազմակերպության ռադիոդեղագործական արտադրության լաբորատորիաներ:
Iran Press լրատվական գործակալության հաղորդման համաձայն, Իրանի ատոմային էներգիայի կազմակերպության ղեկավար Մոհամմադ Էսլամին այցի ընթացքում ասել է, որ Իրանի միջուկային տեխնոլոգիաների ձեռքբերումները համահունչ են խաղաղությանը և ծառայում են մարդկությանը:
Նա նշել է, որ Իրանի ատոմային էներգիայի կազմակերպությունը համարվում է Իսլամական հեղափոխության ձեռքբերումներից մեկը և այժմ այն դարձել է Իրանի և նույնիսկ իսլամական աշխարհի հպարտություններից մեկը։
Իրանի ատոմային էներգիայի կազմակերպության ղեկավարն ընդգծել է, որ բոլոր գործողություններն իրականացվում են Ատոմային էներգիայի միջազգային գործակալության ստանդարտների և կանոնակարգերի համաձայն:
Անդրադառնալով Իրանի դեմ թշնամիների պատժամիջոցներին և ընդգծելով, որ Իրանը դեմ է գիտության և տեխնիկայի նկատմամբ ցանկացած գերիշխանության, Էսլամին ասել է.«Ներքին փորձագետների ջանքերով մենք կարողացել ենք չեզոքացնել պատժամիջոցները»:
Անդրադառնալով ՀԳՀԾ-ից ԱՄՆ-ի կամայական դուրս գալուն և եվրոպական երկրների խոստումնազանց լինելուն, Իրանի ատոմային էներգիայի կազմակերպության ղեկավարն ասել է.«ՀԳՀԾ-ում Իրանի հակառակ կողմերը ոչ միայն չեն չեղարկել պատժամիջոցները, այլև ավելացրել են պատժամիջոցները և նույնիսկ թույլ չեն տալիս այլ երկրներին համագործակցել Իրանի հետ»:
Անդրադառնալով միջուկային ոլորտում Իրանի թափանցիկ գործունեությանը, ԻԻՀ նախագահի տեղակալը հավաստիացրել է, որ գերիշխող երկրների քաղաքականությանը չենթարկվելը, նրանց հարկադրել է քայլեր ձեռնարկել Իրանի միջուկային առաջընթացը կանխելու համար:
