Իրանի ԱԳ նախարարի դիվանագիտական հանդիպումները Դամասկոսում և Բեյրութում՝ Գազայի իրադարձությունների առանցքայնությամբ
Իրանի արտաքին գործերի նախարար Հոսեյն Ամիր Աբդոլլահյանը Դամասկոսում Սիրիայի նախագահի հետ հանդիպման ժամանակ Գազայում մարդկանց, երեխաների, կանանց և ծերերի դաժան սպանությունները, Գազայի հատվածի ջրի, էլեկտրաէներգիայի և վառելիքի անջատումն ու պաշարումը, բնակելի տների, հասարակական վայրերի, ծառայությունների և բժշկական հաստատությունների ռմբակոծությունները որակել է որպես պատերազմական հանցագործություն՝ ասելով, որ Արևմուտքը զսպվածության կոչ է անում բոլոր կողմերին, բացի Սիոնիստական ռեժիմից:
Ամիր Աբդոլլահյանը նկատել է, որ Արևմուտքը ձգտում է կեղծել Գազայում առկա փաստերը՝ արդարացնելու և օրինականացնելու սիոնիստների հանցագործությունները՝ նշելով, որ դիմադրությունն ի վիճակի է դիմակայել Սիոնիստական ռեժիմին:
Սիրիայի նախագահ Բաշար Ասադը նույնպես այս հանդիպմանը պաշտպանել է Իրանի քաղաքական նախաձեռնությունը՝ իսլամական երկրների արտգործնախարարների արտահերթ նիստ անցկացնելու վերաբերյալ։
Ամիր Աբդոլլահյանը Լիբանան կատարած իր այցի ընթացքում հանդիպել և զրուցել է նաև Լիբանանում Հեզբոլլահի գլխավոր քարտուղար Սեյյեդ Հասան Նասրալլայի հետ։
Այս հանդիպման ընթացքում կողմերն ընդգծել են իսլամական ազգերի ու կառավարությունների և աշխարհի ազատատենչ մարդկանց միասնության ու համախմբման, ինչպես նաև Սիոնիստական ռեժիմի հանցագործությունները կասեցնելուն ուղղված անհապաղ և համակարգված գործողությունների անհրաժեշտությունը:
Իրանի Իսլամական Հանրապետության արտաքին գործերի նախարարը Արևմտյան Ասիայում խաղաղության գործողությունների գծով ՄԱԿ-ի հատուկ բանագնացի հետ հանդիպմանը ընդգծել է, որ եթե ՄԱԿ-ը ցանկանում է ինչ-որ բան անել, ապա պետք է անհապաղ միջոցներ ձեռնարկի դադարեցնելու Իսրայելի ռեժիմի հարձակումները, հատկապես քաղաքացիների ու խաղաղ բնակիչների դեմ: Որովհետև վաղը ուշ է, իսկ ժամանակը` սուղ, հատկապես որ Սիոնիստական ռեժիմն այժմ ձգտում է տեղափոխել Գազայի քաղաքացիներին:
Ամիր Աբդոլլահյանը հավելել է, որ կան տեղեկություններ, որ Սիոնիստական ռեժիմը քաղաքացիների դեմ արգելված ռումբեր է օգտագործում, անհրաժեշտ է, որ ՄԱԿ-ը հետաքննի և հետազոտական խումբ ստեղծի այդ կապակցությամբ:
Իրանի Իսլամական Հանրապետության արտաքին գործերի նախարարն ընդգծել է. «Ռազմական հանցագործությունների շարունակման դեմ ցանկացած գործողության համար զրոյական ժամի (համատարած պատերազմ) հայտարարումը դիմադրության տրամադրության տակ գտնվող տարբերակներից է»։
Իրանի ԱԳ նախարարն այսօր (շաբաթ) Իրաք, Լիբանան և Սիրիա երկօրյա այցի ավարտին, Բեյրութում մասնակցել է հրավիրված մամուլի ասուլիսին և ասել. «Դիմադրության առաջնորդները պատրաստ են Սիոնիստական ռեժիմի դեմ ուղղված բոլոր սցենարներին»: