Իրանի արտգործնախարար. Սիոնիստական ռեժիմը պետք է անհապաղ դադարեցնի Պաղեստինի դեմ ահաբեկչական գործողությունները
Իրանի ԱԳ նախարարը Իռլանդիայի արտգործնախարարի հետ հեռախոսազրույցում ասել է, որ Սիոնիստական ռեժիմը պետք է անհապաղ դադարեցնի Պաղեստինի դեմ ահաբեկչական ու ցեղասպանական գործողությունները։
Իրանի ԱԳ նախարար Հոսեյն Ամիր Աբդոլլահյանը երկուշաբթի երեկոյան հեռախոսազրույց է ունեցել Իռլանդիայի ԱԳ նախարար Մայքլ Մարտինի հետ և մտքերի փոխանակում են կատարել Պաղեստինում վերջին զարգացումների և Գազայի հատվածում խաղաղ բնակիչների դեմ Սիոնիստական ռեժիմի հարձակումների վերաբերյալ։
Դատապարտելով Գազայի հատվածի պաշարման ժամանակ Սիոնիստական ռեժիմի կողմից իրականացված հանցագործությունները, Աբդոլլահյանը հավելել է.«Այլ ճակատներում պատերազմի հավանական տարածումն անխուսափելի է դառնում և անհրաժեշտ է ստեղծել համապատասխան միջանցքներ Գազայի բնակիչներին ջուր, սնունդ, դեղագործական ու բժշկական պարագաներ ուղարկելու համար»:
Անդրադառնալով Գազայի հատվածում օրական 300-ից 700 խաղաղ բնակիչների սպանություններին, Իրանի արտաքին գերատեսչության ղեկավարն ընդգծել է, որ Սիոնիստական ռեժիմը պետք է անհապաղ դադարեցնի Պաղեստինի դեմ ահաբեկչական ու ցեղասպանական գործողությունները։
Երկուշաբթի երեկոյան, հեռուստատեսային մի զրույցում, պատասխանելով այն հարցին թե արդյոք Իրանը մուտք գործի պատերազմի մեջ, Աբդոլլահյանն ասել է.«Ամեն ինչ հնարավոր է: Ընդգծում եմ, ոչ ոք չի կարող անտարբեր լինել այս իրավիճակի շարունակման նկատմամբ»:
Նա նշել է, որ պատերազմի ընդլայնումը դիմադրության տարածքում կստեղծի մի տեսարան, որը կփոխի Ղոդսն օկուպացրած ռեժիմի աշխարհագրական քարտեզը։