Ռայիսի. Ճնշված պաղեստինցի նահատակների արյունը կործանելու է ներկայիս աշխարհակարգը
Իրանի Իսլամական Հանրապետության նախագահն ասել է.-«Այն, ինչ այսօր կատարվում է Գազայում և Պաղեստինի ճնշված ժողովրդի դեմ, Արևմուտքի հավակնած քաղաքացիության, ազատության և մարդու իրավունքների պատկերն է»:
«Իրան Պրես» լրատվական գործակալության հաղորդման համաձայն՝ Իրանի Իսլամական Հանրապետության նախագահ Սեյեդ Էբրահիմ Ռայիսին երկրի առողջապահական համակարգի ձեռքբերումների առիթով և այս ոլորտի ակտիվիստների մեծարմանը նվիրված համաժողովում ունեցած ելույթում,հարգելով Գազայի նահատակների հիշատակը, ասել է,-«Այն զայրույթն ու ատելությունը, որն այսօր տիրում է աշխարհի տարբեր համոզմունքներ ու հավատալիքներ ունեցող բոլոր ժողովուրդների մոտ , հետևանքն է այն անարդար աշխարհակարգի, որտեղ կանայք և երեխաները ճնշվում են այս կերպ, և փոխվում է ճնշողի ու ճնշվողի տեղը»։
Շարունակելով իր ելույթը, Ռայիսին Գազայի ժողովրդի դեմ Սիոնիստական ռեժիմի հարձակումներն ու հանցագործությունները դադարեցնելու բանաձեւի վրա վետո դրվելը, համարել է կրկնակի անարդարություն պաղեստինցիների ու մարդկության նկատմամբ: Նա ասել է,-«Այսօր իսլամական համակարգը բարձրացրել է Պաղեստինի ճնշվածների պաշտպանության դրոշը, որոնց արյունը թափվել է մեծ սատանայի՝ ԱՄՆ-ի գլխավորած կայսերապաշտության, գերիշխանության և մաքսիմալիստական պահանջների պատճառով»:.
Իրանի Իսլամական Հանրապետության նախագահը Գազայում տեղի ունեցող ողբերգությունները համարել է ԱՄՆ-ի, Սիոնիստական ռեժիմի և նրանց համախոհների կողմից իրականացված ցեղասպանություն և մարդկության դեմ ուղղված հանցագործություն և ասել է.-« Մենք հավատում ենք, որ ճնշված պաղեստինցի նահատակների արյունը կործանելու է ներկայիս աշխարհակարգը և արդար համակարգ է հաստատելու աշխարհում»:
Նշենք,որ ի պատասխան սիոնիստների հանցագործությունների՝ պաղեստինյան դիմադրության ուժերը 2023 թվականի հոկտեմբերի 7-ին Գազայի հատվածից սկսել են «Ալ-Աղսա փոթորիկ» բազմակողմ գործողությունները օկուպացված տարածքներում Սիոնիստական ռեժիմի դիրքերի դեմ։
Սիոնիստների կրած աղետալի պարտությունը, ավելի քան հազար սիոնիստների սպանվելը, և որոշ ավանների ու ռազմական շտաբների կորուստը պատճառ են դարձել,որ այս ռեժիմի ղեկավարները վերջին օրերին բազմիցս թիրախավորեն Գազայի խաղաղ բնակիչներին և անմեղ ժողովրդին և ռազմական հանցագործություններ թույլ տալով պաշարեն այս քաղաքը:
Ի դեպ սիոնիստ զավթիչները երեքշաբթի (հոկտեմբերի 17-ին) հանցավոր գործողության կատարելով ռմբակոծեցին Գազայի հատվածի Ալ-Մամադանի հիվանդանոցը ,որի հետևանքով զոհվեցին ավելի քան 1000 պաղեստինցիներ, այդ թվում հարյուրավոր երեխաներ:
Այս բարբարոսական գործողությունը լայնորեն դատապարտվել է իսլամական երկրների կողմից, սակայն արևմտյան կառավարությունները սահմանափակվել են պասիվ հայտարարություններով՝ շարունակելով աջակցել Սիոնիստական ռեժիմին:
