Սիոնիստական ռեժիմը հատել է խելագարության սահմանը. Իրանի ԱԳՆ խոսնակ
Իրանի արտաքին գործերի նախարարության խոսնակը կիբերտարածության իր անձնական էջում գրել է, որ Սիոնիստական ռեժիմը հատել է խելագարության սահմանը։
Նասեր Քանանին նշել է, որ Ալ-Մամադանի հիվանդանոցի, որոշ մզկիթների, դպրոցների և Գազայի հունական ուղղափառ եկեղեցու վրա կատարված աղետալի հարձակումներից հետո Սիոնիստական ռեժիմը սպառնացել է հարձակվել Գազայի մյուս հիվանդանոցների վրա:
Քանանին հավելել է, որ այս սարսափելի հանցագործությունները նշանակում են, որ Սիոնիստական ռեժիմը հատել է խելագարության սահմանը, և որ դա մեծ և ամոթալի բարոյական հեղինակազրկում է այն կառավարությունների համար, որոնք այժմ, ինչպես նախկինում, անվերապահորեն Սիոնիստական ռեժիմի կողքին են, և միևնույն ժամանակ, ամեն օր մյուսներին մարդու իրավունքների դասեր են տալիս:
Իրանի արտաքին գործերի նախարարության խոսնակը հստակեցրել է, որ օկուպացիան, ագրեսիան, պատերազմը, ոճրագործությունը, ահաբեկչությունը, ցեղասպանությունը, մանկասպանությունը, ինչպես նաև մզկիթների, եկեղեցիների, հիվանդանոցների, շտապօգնության և փրկարարական մեքենաների, դպրոցների, տների և բնակելի համալիրների, փախստականների ճամբարների, լրագրողների վրա հարձակումները և այլն, հանցագործություններ են, որոնք այսօրվա աշխարհում միատեղվել ու դրսևորվել են կեղծ ու ահաբեկչական ինքնությամբ, 75 տարվա անդադար հանցագործությամբ Իսրայել կոչվող ռեժիմում, և այս օրերին Գազայում վերոհիշյալ բոլոր հանցագործությունները կատարվում են միաժամանակ և ամենօրյա ռեժիմով աշխարհի ապշած աչքերի առջև:
Քանանին ընդգծել է, որ Սիոնիստական ռեժիմի միջազգային ճանաչումն ու հռչակումը որպես ահաբեկչական ինքնություն, ինչպես նաև սիոնիստ պատերազմական հանցագործների հետապնդումն ու դատապարտումը, աշխարհի բոլոր ազատատենչ, արդար և արդարատենչ մարդկանց պահանջն է: