Իրանի առաջնահերթությունը Գազայի դեմ Սիոնիստական ռեժիմի աննախադեպ ռմբակոծությունների դադարեցումն է.Քանանի
Իրանի Իսլամական Հանրապետության արտաքին գործերի նախարարության խոսնակն ընդգծել է.-«Գլխավոր առաջնահերթությունը Գազայի դեմ Սիոնիստական ռեժիմի աննախադեպ ռմբակոծությունների դադարեցումն է»։
Ի պատասխան սիոնիստների հանցագործություններին և օկուպացիային՝ Պաղեստինի Դիմադրության ուժերը շաբաթ օրը՝ հոկտեմբերի 7-ից, Գազայի հատվածից սկսել են «Ալ-Աղսայի փոթորիկ» գործողությունը գրավյալ տարածքներում Սիոնիստական ռեժիմի դիրքերի դեմ։
Դիմադրության մարտիկներին դիմակայելու կարողություն չունեցող այս ռեժիմի բանակը գործողության հենց սկզբից Գազայի հատվածում ակնհայտ հանցագործություն կատարելով՝ ռմբակոծում է բնակելի թաղամասերը, հիվանդանոցները, կրոնական կենտրոններն ու դպրոցները,որի հետևանքով նահատակվել է 5300 մարդ,ավելի քան 18 հազարը վիրավորվել է։
Նասեր Քանանին Իրանի Հեռուստատեսության հատուկ հաղորդման ժամանակ ասել է.-«Մենք ականատես ենք սիոնիստների կողմից Գազայում Պաղեստինի բռնաճնշված ժողովրդի դեմ իրականացված լայնածավալ հանցագործությունների, որոնք՝ բոլոր միջազգային իրավացի փորձագետների տեսանկյունից պատերազմական հանցագործությունների և ցեղասպանության վառ օրինակ են»։
Արտաքին գործերի նախարարության խոսնակը հավելել է.«Նման իրավիճակում գլխավոր առաջնահերթությունը Գազայի դեմ Սիոնիստական ռեժիմի աննախադեպ ռմբակոծությունների դադարեցումն է։ Սա այն առաջնահերթությունն է, որին հետևում է Իրանի Իսլամական Հանրապետությունը տարածաշրջանային տարբեր բանակցություններում և շփումներում և միջազգային մակարդակներում»։
Քանանին հստակեցրել է,-«Պաղեստինը կրկին դարձել է միջազգային օրվա խնդիր և, անշուշտ, կդառնա իսլամական աշխարհի ապագայի կարևոր խնդիրը: Ամբողջ աշխարհը պետք է ուշադրություն դարձնի Պաղեստինի ժողովրդի ցանկությանն ու կամքին, և սիոնիստներն ու Սիոնիստական ռեժիմի հովանավորները ևս պետք է ուշադրություն դարձնեն Պաղեստինի ժողովրդի ու նրա հովանավորների, այն է աշխարհի ազատախոհների ու հանրային կարծիքի ցանկությանը»:
Արտաքին գործերի նախարարության խոսնակը նաև ասել է. -«Մինչ այժմ ամերիկացիները Սիոնիստական ռեժիմին համարում էին ռազմավարական գործընկեր Արևմտյան Ասիայի տարածաշրջանում իրենց տարածաշրջանային ծրագրերն առաջ տանելու և Դիմադրության առանցքին դիմակայելու համար: Այժմ ամերիկացիները փաստորեն կորցրել են իրենց ռազմավարական գործընկերոջը, և պետք է վերագտնեն նրանց»:
