Իրանն աջակցում է Գազայի ցեղասպանությունը քաղաքական ճանապարհով անհապաղ դադարեցմանը
ԻՌՆԱ-ի հաղորդմամբ՝ ԻԻՀ ԱԳ նախարար Հոսեյն Ամիր Աբդոլլահյանը, ով մեկնել է Նյու Յորք՝ մասնակցելու Պաղեստինի հարցով ՄԱԿ-ի Գլխավոր ասամբլեայի արտահերթ նիստին, ուրբաթ օրը Անտոնիո Գուտերեշի հետ զրուցել է Մերձավոր Արևելքի վերջին զարգացումների և Գազայի հատվածում տիրող իրավիճակի մասին։
Հանդիպմանն Աբդոլլահյանը նշել է. «Որոշ երկրների լռությունը և ԱՄՆ-ի աջակցությունն Իսրայելի ռեժիմի դաժան ներխուժմանը և ցեղասպանությանը, խրախուսել են ապարտեիդի ռեժիմին շարունակել հարձակումները Գազայի և Հորդանան գետի Արևմտյան ափի դեմ»:
ԻԻՀ ԱԳ նախարարը հավելել է. «Իրանի արտաքին քաղաքականության հիմնական սկզբունքներից է Պաղեստինի ժողովրդի ազատագրական պայքարին և դիմադրությանը շարունակական աջակցությունը՝ նպատակ ունենալով լիովին իրացնել մարդու իրավունքները»:
Հանդիպմանն Անտոնիո Գուտերեշն ընդգծել է տարածաշրջանում Իրանի բացառիկ դերը, կոչ անելով շարունակել Իրանի Իսլամական Հանրապետության դիվանագիտական և կառուցողական քաղաքական ջանքերը։
ՄԱԿ-ի գլխավոր քարտուղարը Գազայում հումանիտար իրավիճակն անվանել է աղետալի և կոչ արել քայլեր ձեռնարկել՝ պատերազմն անհապաղ դադարեցնելու և հումանիտար օգնություն ուղարկելու ուղղությամբ։