Միջանցքների մրցակցության պայմաններում Իրանը Չինաստանի համար ռազմավարական տարբերակ է

Աշխարհագրական դիրքի շնորհիվ Իրանը դարձել է ԵԱՏՄ-ի հետՉինաստանի առևտրի կարևոր այլընտրանքային երթուղիներից մեկը։ Սակայն ենթակառուցվածքների թուլությունը, երկաթուղային սահմանափակ հնարավորությունները և պատժամիջոցների հետևանքով առաջացած խոչընդոտները դեռևս թույլ չեն տալիս այդ աշխարհագրական առավելությունը վերածել լիարժեք մրցունակ միջանցքի։

Pars Today-ի փոխանցմամբ՝ մոտ 10 400 կմ երկարությամբ Սիան–Թեհրան երկաթուղին հնարավորություն է տալիս բեռները տեղափոխել շուրջ 15 օրում։ Սա զգալի առավելություն է ծովային փոխադրումների համեմատ, որոնք տևում են մեկ ամիս։ Այնուամենայնիվ, այս երթուղով անցնող գնացքների թիվը դեռևս սահմանափակ է, և Իրանը դեռ հեռու է իր տարանցիկ ներուժն ամբողջությամբ օգտագործելուց։
Իսկ Միջին միջանցքը, Չինաստանի և այլ երկրների ներդրումների շնորհիվ, շարունակում է զարգանալ և վերածվում է Իրանի երթուղու լուրջ մրցակցի։ Այդուհանդերձ, 2026 թվականին ծովային երթուղիներում առաջացած խափանումները կրկին ընդգծեցին Իրանի երթուղու կարևորությունը։
Պեկինի համար երթուղիների դիվերսիֆիկացիան կարևոր նշանակություն ունի, և Իրանը կարող է դառնալ ծովային ու ցամաքային միջանցքները լրացնող տարբերակ։ Սակայն այդ ներուժի իրագործման համար անհրաժեշտ է զարգացնել երկաթուղային ենթակառուցվածքները, կրճատել սահմանային կանգառների տևողությունը, հզորացնել նավահանգիստները և նվազեցնել պատժամիջոցների հետ կապված ռիսկերը։