Ինչո՞ւ Բաքուն և Անկարան ստիպված եղան նահանջել Զանգեզուրի միջանցքի ծրագրից
Կովկասի հարցերով հետազոտող Համեդ Խոսրոշահին Զանգեզուրի միջանցքից Ադրբեջանի Հանրապետության նահաջելու հարցով «Դոնյայե էղթեսադ» թերթին տված հարցազրույցում ասել է. -«Ադրբեջանի Հանրապետությունը հասկացել է, որ չնայած Իրանի ներսում Ադրբեջանի Հանրապետությանը վերաբերող որոշ հարցերի վերաբերյալ որոշակի տարաձայնություններին , սակայն Զանգեզուրի միջանցքի հարցում Իրանի ռազմական և դիվանագիտական ուժերի միջև կա միասնություն, որը շատ լուրջ է»։
Կովկասի հարցերով այս հետազոտողն ընդգծել է, որ Իսլամական Հանրապետության իշխանությունները միաձայն ասում են, որ թույլ չեն տա այս միջանցքի կառուցումը, որը նշանակում է տարածք հանձնել Ադրբեջանին և կտրել Իրանի ու Հայաստանի միջև սահմանը:
Անդրադառնալով Իրանի տարածքով միջանցքի անցման դրական հետեւանքներին Խոսրոշահին ասել է,-«Այս հարցը կարող է թուլացնել լարվածությունը Իրանի և նրա հյուսիսային հարևանի միջև։ Նաև այս միջանցքի ստեղծումը օգուտներ ունի Իրանի համար։ Որովհետև Հարավկովկասյան միջանցքը կլինի Արևելք-Արևմուտք միջանցքի կամ Նոր Մետաքսի ճանապարհի կարևոր հատվածը, որը Չինաստանը Կասպից ծովով կմիացնի Կենտրոնական Ասիային և Կովկասին, իսկ դրա շարունակությունը Թուրքիայով կհասնի Եվրոպա»։
Նա հավելել է. «Արևելք-արևմուտք այս միջանցքը կհետապնդվի այն պայմաններում, որ Իրանի տարածքով ևս մեկ միջանցք անցնելու է նաև հյուսիսից հարավ, Հնդկաստանից՝ Չաբահարով (Իրանի հարավ) դեպի Ռուսաստան, ինչի բերումով,Իրանը կզգա,որ տարածաշրջանային հավասարումներում դերակատարություն ունի, և դա ինքնին հանգեցնելու է լարվածության թուլացմանը»։
Կովկասի հարցերով փորձագետը վերջում անդրադառնալով այս զարգացումների ազդեցիկ գործոններին ասել է,-«Այս պարագայում կարևոր է ռուսական գործոնը: Ռուսաստանը պաշտպանում է Թուրքիայի, Իրանի և Կատարի պես երկրների տեսակետները Պաղեստինի հարցում, և մենք առաջին անգամ ենք նման երևույթի ականատես լինում: Ավելի վաղ Մոսկվան հանդես էր գալիս, որպես Իսրայելի դաշնակիցներից մեկը։ Բայց այսօր, երբ Ռուսաստանը վետո է դնում ՀԱՄԱՍ-ի դատապարտման վերաբերյալ Անվտանգության խորհրդի բանաձևի վրա, կարող է արդյունքը լինել այն համագործակցության,որ այս երկիրն ունի Իրանի և Թուրքիայի հետ, ինչպես Սիրիայում, այնպես էլ կովկասյան տարածաշրջանում»։