Իրան. ՄԱԿ-ի անդամները չպետք է անտարբեր լինեն Գազայի ճգնաժամի նկատմամբ
ՄԱԿ-ում Իրանի ներկայացուցչի տեղակալ Մեհդի Ալիաբադին հայտարարել է. «Կազմակերպության անդամները չպետք է անտարբեր լինեն Գազայի ճգնաժամի նկատմամբ և պարզապես հետևեն նոր տեղահանումների և միգրացիոն ճգնաժամի ձևավորմանը»։
Անդրադառնալով Երուսաղեմն օկուպացրած ռեժիմի հարձակումների հետևանքով Գազայում տիրող հումանիտար աղետին, Մեհդի Ալիաբադին Միգրացիայի միջազգային կազմակերպության մշտական կոմիտեի նիստում հայտարարել է. «Այս դաժան հարձակումները կհանգեցնեն տեղահանման նոր ճգնաժամի, և ՄԱԿ-ը պետք է ավելի վճռական դիրքորոշում որդեգրի ցանկացած գործողության նկատմամբ, որը կհանգեցնի բնակչության բռնի տեղահանմանը»:
Ալիաբադին ընդգծել է. «Օկուպանտները վճռական են տրամադրված Գազայի հատվածում բնակչության տեղահանման հարցում, ինչը Սիոնիստական ռեժիմի կողմից մարդկության դեմ ուղղված հանցագործության ևս մեկ օրինակ է»:
Նա կոչ է արել միջազգային հանրությանը լրջորեն քննարկել Միգրացիայի միջազգային կազմակերպությանը Սիոնիստական ռեժիմի անդամակցության չեղարկման հարցը:
