Իսլամական հեղափոխության մեծարգո առաջնորդն ընդունել է ՀԱՄԱՍ-ի քաղբյուրոյի ղեկավարին
Պաղեստինի իսլամական դիմադրության շարժման (ՀԱՄԱՍ) քաղբյուրոյի ղեկավարը և նրան ընկերակցող պատվիրակությունը հանդիպել են Իսլամական հեղափոխության գերագույն առաջնորդ Այաթոլլահ Խամենեիի հետ։
Այս հանդիպմանը ՀԱՄԱՍ-ի քաղբյուրոյի ղեկավար Իսմայիլ Հանիեն զեկույց է ներկայացրել Գազայի և Հորդանան գետի Արևմտյան ափի վերջին զարգացումների և Գազայում Սիոնիստական ռեժիմի հանցագործությունների մասին։
Կրկին բարձր գնահատելով Գազայի անսասան ժողովրդի համբերությունն ու տոկունությունը և ցավ հայտնելով ԱՄՆ-ի և արևմտյան որոշ երկրների անմիջական աջակցությամբ Սիոնիստական ռեժիմի կողմից իրականացված հանցագործությունների կապակցությամբ, իսլամական հեղափոխության մեծարգո առաջնորդն ընդգծել է Իրանի Իսլամական Հանրապետության մշտական քաղաքականությունը՝ սիոնիստ զավթիչների դեմ պաղեստինյան դիմադրության ուժերին աջակցելու հարցում։
Մեծարգո Այաթոլլահ Խամենեին կարևորել է իսլամական երկրների և միջազգային կազմակերպությունների կողմից լուրջ գործողությունները և իսլամական կառավարությունների համապարփակ ու գործնական աջակցությունը Գազայի ժողովրդին։