Իրանի արտգործնախարարը՝ Գազայի պատերազմի մասին. Նոր ճակատների բացման հավանականություն կա
Իրանի արտաքին գործերի նախարար Հոսեյն Ամիր Աբդոլլահյանը, անդրադառնալով Սիոնիստական ռեժիմի կողմից Գազայի հատվածում ռազմական գործողությունների դադարեցման վերաբերյալ Անվտանգության խորհրդի բանաձեւի պահանջը չկատարելուն, ասել է,-
«Ինչպես հայտարարել է Դիմադրությունը, եթե Գազայի հատվածում խաղաղ բնակչության դեմ պատերազմը շարունակվի, հնարավոր է նոր ճակատներ բացվել, հենց այնպես,որ այս պահին, բացի լիբանանյան ճակատից, Եմենի, Սիրիայի և Իրաքի ճակատները միջոցներ են ձեռնարկում Գազայի ճնշված և հզոր ժողովրդին աջակցելու համար»։
Իրանի արտաքին քաղաքական գերատեսչության ղեկավարը Գազայի իրադարձություններում խորհրդարանական դիվանագիտության դերակատարության մասին ասել է,-«Այս իրավիճակում կարևոր դերատարություն ունեն խորհրդարանները, այս ուղղությամբ խորհրդարանի Ազգային անվտանգության և արտաքին քաղաքականության հանձնաժողովի անդամների հետ հանդիպմանը հանձնաժողովի անդամների և պատգամավորների կողմից ներկայացվեցին լավ գաղափարներ։ Նրանք պահանջում են՝ դադարեցնել որոշ երկրների կողմից Սիոնիստական ռեժիմին վառելիքի և այլ ապրանքների մատակարարումը , և բոյկոտել այս ռեժիմի արտադրած ապրանքները,ուստի որոշվեց, խորհրդարանական դիվանագիտության միջոցով ակտիվորեն հետամուտ լինել այդ պահանջներին»։