Իրանի ԶՈՒ Գերագույն գլխավոր հրամանատարի խորհրդական. Հաղթականը Պաղեստինի Դիմադրությանն է
Իրանի Իսլամական Հանրապետության Զինված ուժերի գերագույն գլխավոր հրամանատարի խորհրդականն ընդգծել է,- «Սիոնիստական ռեժիմը երբեք չի կարողանա ոչնչացնել պաղեստինյան Դիմադրությանը»։
Իրանի Զինված ուժերի գերագույն գլխավոր հրամանատարի խորհրդական՝ բրիգադի գեներալ Ամիր Հաթամին նշել է,-«Գերիշխանության ռեժիմն իր դավադիր քայլով՝ տարածաշրջանում ստեղծեց ԻԼԻՊ ահաբեկչական խմբավորումը,և մտադիր էր այդ հանցագործ ահաբեկիչների միջոցով պրոքսի պատերազմ սանձազերծել և տարածաշրջանն ապակայնունացնելով գրավել Սիրիան և Իրաքը»։
Parstoday-ի հայերեն բաժնի հաղորդման համաձայն՝ ԶՈՒ Գերագույն գլխավոր հրամանատարը հավելել է,-«Գերագույն առաջնորդի իմաստուն ղեկավարությամբ և տարածաշրջանում ԻԼԻՊ-ի գլոբալ դավադրության կապակցությամբ նրա ռազմավարական վերլուծությամբ, Գերիշխանության ռեժիմի չարաբաստիկ նպատակները հերթական անգամ տապալվեցին նահատակ գեներալ Ղասեմ Սոլեյմանիի հրամանատարությամբ գործող Դիմադրության առանցքի մարտիկների դիմակայության և Դիմադրության առանցքի նահատակների թափած արյան շնորհիվ»։
Բրիգադի գեներալ Հաթամին, անդրադառնալով այս օրերին Սիոնիստական ռեժիմի կողմից Գազայում կատարած հանցագործություններին, ասել է.- «Սրբազան Ղոդսի բռնազավթիչները և իշխանության հավակնորդները ամեն կարգի հանցագործություն են թույլ տալիս պաղեստինցի կանանց ու երեխաների նկատմամբ և Արևմուտքի աջակցությամբ անմարդկային կերպով սպանում են խաղաղ բնակիչներին և այս դաժան հանցագործությունը անամոթաբար համարում են իրենց հզորության և ուժի նշան»։
«Պետությունների ղեկավարները, ովքեր հանդես են գալիս մարդու իրավունքների պաշտպանի դերում, այն դեպքում են պաշտպանում այս մանկասպան ռեժիմին, երբ միջազգային շրջանակները և իրավապաշտպան կազմակերպությունները իմաստալի լռություն են պահպանում և թույլ են տալիս այս անմաքուր ռեժիմին կատարել սարսափելի և աննախադեպ հանցագործություն և հարձակվել նույնիսկ հիվանդանոցների ու երեխաների դպրոցների վրա և հրթիռակոծելով դրանք ցեղասպանություն իրականացնել և բոլոր միջազգային կոնվենցիաներին դեմ գործողություններ կատարել»,-ասել է Իրանի ԶՈՒ Գերագույն գլխավոր հրամանատարի խորհրդականը։
