Ռայիսի. Կառավարության նպատակն է ընտրություններն անցկացնել մրցակցային, առողջ և անվտանգ մթնոլորտում
Անդրադառնալով իսլամական խորհրդարանի և Բանիմացների խորհրդի առաջիկա ընտրություններին, ԻԻՀ նախագահը հայտարարել է.«Իշխանության նպատակն է ընտրություններն անցկացնել մրցակցային, առողջ և անվտանգ մթնոլորտում»։
Կառավարության խորհրդի չորեքշաբթի օրվա նիստում, կարևորելով հասարակությանը հույս ներշնչելը, խորհրդարանում համապատասխան օրենքների հաստատումը և դատական համակարգի արդար աշխատանքն, Էբրահիմ Ռայիսին նշել է. «ՄԱԳԱՏԷ-ի ղեկավարի զեկույցները, որոնք վերաբերվում են Իրանում ատոմակայանների զարգացմանը՝ նպատակ ունենալով բավարարել երկրի կարիքները, Արդյունաբերության, հանքերի և առևտրի նախարարության գործողություններն ուղղված քաղաքային տրանսպորտի պարկը էլեկտրաֆիկացնելուն, Գորգան ծովածոցի խնդիրը լուծելուն ուղղված ջանքերը, օգնության սպասող քաղաքացիների խնդիրներին արագ լուծում տալուն ուղղված ծրագրերը, խոստումնալից և գովելի քայլեր են, որոնք պետք է շարունակվեն մեծ թափով»։
Անդրադառնալով Գազայում սիոնիստների կատարած հանցագործություններին և պաղեստինյան ճնշված ժողովրդի կոտորածին ամերիկյան կառավարության աջակցությանն ու մասնակցությանը, Ռայիսին խստորեն դատապարտել է ԱՄՆ-ի ցանկացած փորձ՝ միջամտելու Գազայի ապագային:
Ռայիսին նշել է. «Գազայի ապագան որոշվելու է այս տարածաշրջանի ժողովրդի կողմից և օրինական կառավարության՝ ՀԱՄԱՍ-ի միջոցով, որը ձևավորվել է ժողովրդի քվեներով և այս ուղությամբ ԱՄՆ կառավարության ցանկացած գործողություն դատապարտված է ձախողման»:
