Ռայիսին քննադատել է Սիոնիստական ռեժիմի հանցագործությունները կասեցնելու հարցում միջազգային կազմակերպությունների անգործունակությունը
Իրանի Իսլամական Հանրապետության նախագահը քննադատել է միջազգային կազմակերպությունների անգործունակությունը Սիոնիստական ռեժիմի հանցագործությունները կասեցնելու հարցում։
ԻՌՆԱ-ի հաղորդման համաձայն, Իրանի Իսլամական Հանրապետության նախագահ Սեյեդ Էբրահիմ Ռայիսին Պակիստանի նախագահ Արեֆ Ռահման Ալավիի հետ հեռախոսազրույցում՝ անդրադառնալով Գազայի իրավազրկված ու հզոր ժողովրդի դեմ Սիոնիստական ռեժիմի ոճրագործությունների ու ցեղասպանության շարունակությանը և միջազգային կազմակերպությունների անգործունակությանը այդ հանցագործությունները դադարեցնելու հարցում, ընդգծել է Իսլամական երկրների համակարգված գործողությունների կարևորությունը՝ այս ռեժիմի վրա ճնշում գործադրելու և Գազայում սպանությունների ու հանցագործությունների մեքենան կանգնեցնելու համար:
Ռայիսին նաև ընդգծել է Պակիստանի կողմից սահմանային անվտանգության բարելավմանն ուղղված ավելի շատ ջանքեր գործադրելու անհրաժեշտությունը և մատնանշելով երկու երկրների համագործակցությունը հատկապես էներգետիկայի ոլորտում ընդլայնելու մեծ ներուժը՝ հույս է հայտնել, որ երկու երկրների իշխանությունները կաշխատեն ավելի լրջորեն իրացնել այդ ներուժը։
Այս հեռախոսազրույցում Պակիստանի նախագահ Արեֆ Ռահման Ալավին, մատնանշելով Իրանի Իսլամական Հանրապետության առաջնորդի դիրքորոշումը Պաղեստինի ճնշված ժողովրդի իրավունքները պաշտպանելու հարցում, բարձր է գնահատել Թեհրանի ջանքերն այս հարցում՝ նկատելով, որ իսլամական երկրների համակարգված ու համատեղ ջանքերն ու գործողությունները կարող են լրացուցիչ ճնշում գործադրել սիոնիստների վրա՝ Գազայում իրենց հանցագործությունները դադարեցնելու համար։
Պակիստանի նախագահը հաստատել է Իրանի նախագահի տեսակետը Պաղեստինի ժողովրդի իրավունքները պաշտպանելու և Գազայում Սիոնիստական ռեժիմի հանցագործությունները դադարեցնելու գործում միջազգային կազմակերպությունների, այդ թվում՝ ՄԱԿ-ի Անվտանգության խորհրդի անկարողության մասին՝ ասելով, որ պետք է ձգտել միջազգային կազմակերպությունների կառուցվածքում լուրջ փոփոխությանը, իսկ մուսուլմանները այս հարցում պետք է լինեն առաջամարտիկներ։
Արեֆ Ռահման Ալավին, վերջերս տեղի ունեցած ահաբեկչության հետևանքով մի շարք իրանցի անվտանգության աշխատակիցների նահատակության կապակցությամբ, ցավակցել է Իրանի նախագահին, կառավարությանն ու ժողովրդին՝ ընդգծելով, որ Պակիստանի կառավարությունը ջանքեր կգործադրի` բարելավելու ընդհանուր սահմանների անվտանգությունը և կանխելու թշնամական և ահաբեկչական խմբավորումների գործունեությունը այս շրջաններում։