Ամիր Աբդոլլահյան․ Նեթանյահուն հասել է իր ճանապարհի ավարտին
ՀԱՄԱՍ-ի քաղաքական գրասենյակի ղեկավարի հետ հեռախոսազրույցում, ԻԻՀ ԱԳ նախարար Ամիր Աբդոլլահյանը նշել է, որ որ Սիոնիստական ռեժիմի վարչապետ Բենիամին Նեթայահուն հասել է իր ճանապարհի ավարտին։
Իրանի ռադիոհեռուստատեսության լրատվական գործակալության փոխանցմամբ՝ հեռախոսազրույցում Աբդոլլահյանն ասել է․ «Աշխարհի համար հասկանալի է, որ Նեթանյահուն հասել է իր ճանապարհի վերջին և պայքարում է միայն գոյատևելու համար»։
Նա նշել է․ «Ինչպես ընդգծել է ԻԻՀ գերագույն առաջնորդը, մարդկանց ու պաղեստինյան Դիմադրության դիմակայության արդյունքում, Իսրայելի ռեժիմը հայտնվել է Գազայի պատերազմի ճահճում»։
Աբդոլլահյանը Հանիեին տեղեկացրել է ԻԻՀ վերջին խորհրդակցությունների և դիվանագիտական ջանքերի, այդ թվում՝ Պաղեստինի վերաբերյալ միջազգային հանդիպումներին ակտիվ մասնակցության մասին։
Քննադատելով ՄԱԿ-ի Անվտանգության խորհրդի պասիվությունն Ամիր Աբդոլլահյանն ընդգծել է Գազայում և Հորդանան գետի Արևմտյան ափին մարդկանց ջարդերին վերջ տալու, ինչպես նաև Գազա հումանիտար օգնություն ուղարկելու նպատակով միջազգային կազմակերպությունների անհապաղ գործողությունների անհրաժեշտությունը։
ՀԱՄԱՍ-ի քաղբյուրոյի ղեկավար Իսմայիլ Հանիեն իր ջերմ ողջույններն է փոխանցել Իրանի Գերագույն առաջնորդին ու նախագահին և շնորհավորել Իրանի կառավարությանն ու ժողովրդին Նոր տարվա և ռամադան սուրբ ամսվա կապակցությամբ։ Նա խոսել է նաև Գազայի պատերազմի ու քաղաքական զարգացումների մասին։
Նշելով, որ Դիմադրության մարտիկներն ունեն Սիոնիստական ռեժիմի մարտական մեքենային ու սպանություններին դիմակայելու ուժ, Հանիեն Գազայում, հատկապես հյուսիսում մարդասիրական իրավիճակը գնահատել է ճգնաժամային և ընդգծել միջազգային հանրության կողմից անհապաղ գործողությունների անհրաժեշտությունը՝ Գազա մարդասիրական օգնություն ուղարկելու և պաղեստինցիներին սովի մատնելու Իսրայելի քաղաքականությանը դիմակայելու համար։
