Իսրայելին ջախջախիչ պատասխան տալու Իրանի սցենարները
Սիրիայում Իրանի դեսպանատան վրա սիոնիստական ռեժիմի հարձակման հետևանքով ամերիկյան Foreign Policy ամսագիրը «Իրանի ջախջախիչ պատասխանի սցենարները» վերտառությամբ հոդվածում գրել է․
«Իրանի նախկին վարքագծի վրա հիմնված այն տարբերակների ցանկը կարող է ներառել Իրանի այնպիսի հակազդեցությունն ու փոխադարձ գործողությունները, ինչպիսիք են Իսրայելի դեմ ուղիղ հրթիռային հարձակումը կամ անուղղակի գործողությունները, ինչպիսիք են Իրանի հարձակումը Իրաքում Սիոնիստական ռեժիմի հետախուզական ծառայություններին կից վայրերի վրա կամ տարածաշրջանում դիմադրության ճակատի կողմից այս ռեժիմի վրա ավելի լայնամասշտաբ ու հաճախակի հարձակումները»:
Ամերիկյան այս պարբերականի համաձայն, մեկ այլ հեռանկար այն է, որ Իրանը Սիրիայում և Իրաքում իր վստահված զինված խմբավորումներին կանաչ լույս կտա այդ երկրներում ԱՄՆ-ի ռազմական օբյեկտների և զինվորականների վրա հարձակվելու համար:
Այս առնչությամբ Կալիֆորնիայի համալսարանի Մերձավոր Արևելքի հարցերով փորձագետ Դալիա Դասա Քայեն ասել է. «Դիվանագիտական հիմնարկները համարվում են պաշտպանված ազգային և ինքնիշխան վայրեր: Դիվանագիտական վայրի վրա հարձակվելը նման է տվյալ երկրի հողի վրա հարձակմանը... Սա մի գործոն է, որը թերևս կարող է խաղը փոխել»:
Նա նաև հավելել է. «Կասկած չկա, որ իրանական կողմը ուժեղ արձագանք կցուցաբերի այս հարձակմանը..., բայց թե ինչ տեսքով կլինի այդ արձագանքը, այս պահին պարզ չէ»: