Իրանական 1403թ առաջին ամսում Իրանի երկաթուղային արտահանման ծավալներն աճել են 10 անգամ
Իրանական 1403 թ առաջին ամսում Իրանից երկաթուղու միջոցով արտահանման ծավալը հասել է ավելի քան 5 միլիոն տոննայի, ինչը 10 անգամ գերազանցում է նախորդ տարվա նույն ժամանակահատվածի ծավալը։
Բեռների մեծ մասը, այդ թվում՝ երկաթե ձուլակտորներ, մետաղալար, քարի աղ և մակարոնեղեն, բեռնվել է Ափրինի լոգիստիկ կենտրոնից (չոր նավահանգիստ) և արտահանվել Թուրքիա։
Ապրինի չոր երկաթուղային նավահանգստում մաքսատան աշխատանքում առկա խնդիրների վերացմանը զուգահեռ, ակնկալվում է, որ միաջզգային երկաթուղային փոխադրումների ծավալը, ներառյալ՝ արտահանումը, ներմուծումը և տարանցումը, կմեծանա։
Թեհրանի երկաթուղիների գլխավոր վարչությունն ունի ուղիղ երկաթուղային կապով երեք մաքսակետ։ Արևմտյան և Շահրիարի մաքսատները միացված են ազգային երկաթուղային ցանցին Նիքփասանդ կայարանի միջոցով, իսկ Ափրինի չոր նավահանգստի մաքսատունը՝ Ափրին կայարանով։
