Ամիր Աբդոլլահյան. Սիոնիստական ռեժիմը տարածաշրջանում լարվածության հիմնական պատճառն է
ԻՌՆԱ-ի հաղորդմամբ՝ ԻԻՀ ԱԳ նախարար Հոսեյն Ամիր Աբդոլլահյանը և Պորտուգալիայի ԱԳ նախարար Պաուլո Ռանգելը հեռախոսազրույցում քննարկել են երկկողմ հարաբերությունների հետ կապված հարցեր, ինչպես նաև տարածաշրջանում տիրող իրավիճակը, հատկապես Պաղեստինի զարգացումները։
Ամիր Աբդոլլահյանը շնորհավորել է Պորտուգալիայում նոր կառավարության ձևավորման կապակցությամբ, և անդրադառնալով երկու երկրների երկարամյա հարաբերություններին, ընդգծել Գազայում Սիոնիստական ռեժիմի ցեղասպանությունը դադարեցնելու և ճնշված Պաղեստինի ժողովրդի իրավունքները հարգելու անհրաժեշտությունը։
Պաուլո Ռանգելն ընդգծելով Գազայում կրակի անհապաղ դադարեցման անհրաժեշտությունն ասել է․ «Պորտուգալիայի կառավարությունն աջակցում է Պաղեստինի անկախ կառավարության ձևավորմանը և տարածաշրջանի բոլոր երկրներին կոչ է անում ջանքեր գործադրել՝ նվազեցնելու լարվածությունը Արևմտյան Ասիայում»:
Կողմերը քննարկել են նաև պորտուգալական դրոշով լողացող իսրայելական նավի բռնագրավման հետ կապված հարցեր։
Աբդոլլահյանն ասել է․ «Իրանը կարևորում է նավի անձնակազմի ազատ արձակումը մարդասիրական տեսանկյունից և Թեհրանում նրանց դեսպաններին տեղեկացրել է հյուպատոսական ծառայություններին հասանելիության, ազատ արձակման և արտահանձման մասին»։
