ԻԻՀ առաջնորդը մասնակցել է խորհրդարանական ընտրությունների երկրորդ փուլի քվեարկությանը
Առաջնորդի մամուլի գրասենյակի փոխացնմամբ, ԻԻՀ առաջնորդ` այաթոլլահ Խամենեին, այսօր ուրբաթ առավոտյան, իմամ Խոմեյնու հոսեյնիեյում մասնակցել է Իրանի իսլամական խորհրդարանի 12-րդ շրջանի ընտրությունների երկրորդ փուլին։
Առաջնորդի քվեարկությունը լուսաբանել են տեղական և միջազգային տասնյակ լրագրողներ և ուղիղ եթերով հեռարձակել տեղական և արտասահմանյան լրատվամիջոցներ։
Քվեարկությունից հետո, նշելով, որ ընտրությունները մարդկանց կամքի արտահայտման վկայությունն են, առաջնորդը հավելել է․ «Ցանկացած քաղաքացի, որ կողմ է երկրի առաջընթացին և մեծ նպատակներին, պետք է մասնակից ընտրություններին»։
Այաթոլլահ Խամենեին ասել է․ «Որքան շատ մարդ մասնակցի ընտրություններինը, այնքան ուժեղ կլինի խորհրդարանը, իսկ որքան ուժեղ լինի խորհրդարանը, այնքան մեծ կլինի երկրում աշխատելու հնարավորությունը»։
Քվեարկությունը մեկնարկել է առավոտյան 08։00-ին։
Ընտրությունները կանցկացվեն 22 ընտրատարածքներում, 15 նահանգում, 47 նահանգապետարանում և 81 շրջանում։ Այս փուլում խորհրդարանի 45 տեղերի համար կպայքարի 90 թեկնածու։
Իրանի իսլամական խորհրդարանն ունի 290 մանդատ։ Կրոնական փոքրամասնությունները նույնպես ներկայացուցիչներ ունեն խորհրդարանում։
ԻԻՀ Սահմանադրության 64-րդ հոդվածի համաձայն՝ իսլամական խորհրդարանում ներկայացուցիչներ ունեն զրադաշտականներն ու հրեաները, ասորի ու քաղդեացի քրիստոնյաները, ինչպես նաև հայերը։