Իրանում վերջին հրաժեշտն են տալիս ԻԻՀ ԱԳ նախարար Հոսեյն Ամիր Աբդոլլահյանին

ԻԻՀ ԱԳՆ պաշտոնյաների ու քաղաքացիների ներկայությամբ մեկնարկել է ԱԳ նախարար Հոսեյն Ամիր Աբդոլլահյանի վերջին հրաժեշտի արարողությունը։

ԻՌՆԱ-ի հաղորդմամբ՝ արարողությունն ընթանում է Մաշաղ հրապարակում։   Արարողության ավարտին Աբդոլլահյանի մարմինը կհուղարկավորվի Շահ Աբդուլազիմի սրբավայրում։

Երեկ, ԻԻՀ նախագահի և նրա ուղեկիցների վերջին հրաժեշտի արարողությանը մասնակցեցին նաև տարբեր երկրներից ժամանած մեծ թվով պաշտոնյաներ։ Երեկոյան Ամիր Աբդոլլահյանի աճյունը տեղափոխվել էր Մաշհադ քաղաք՝ Ռազավիի սրբավայր։

Մայիսի 19-ի երեկոյան հրապարակվեց Իրանի նախագահ Էբրահիմ Ռայիսիին և  նրա ուղեկիցներին տեղափոխող ուղղաթիռի վթարի մասին լուրը։ 18 ժամ տևած որոնողական աշխատանքներից հետո, հաջորդ առավոտյան ժամը 08։00-ին հրապարակվեց նախագահի մահվան լուրը։