Իրանում ներքին գործերի նախարարը կարգադրել է սկսել նախագահական ընտրությունների գործընթացը
Նախագահական ուղղաթիռի միջադեպից և Իրանի նախագահի նահատակությունից մեկ շաբաթ անց, ՆԳ նախարարը նահանգապետերին և կուսակալներին ուղղված նամակում հրամայել է սկսել նախագահական ընտրությունների գործընթացը՝ ըստ հայտարարված ժամանակացույցի։
Իրանի ներքին գործերի նախարար Ահմեդ Վահիդին այս նամակում նշել է.
-Ցավակցելով Այաթոլլահ դոկտոր Սեյեդ Էբրահիմ Ռայիսիի և նրա թանկագին ընկերների նահատակության կապակցությամբ՝ Սահմանադրության 131-րդ հոդվածի և նախագահի ընտրության մասին օրենքի 38-րդ և 39-րդ հոդվածների և ստորև բերված ծանոթագրությունների կատարմամբ՝ սկսել 14-րդ նախագահական ընտրությունների աշխատանքները։
Նշենք, որ սահմանադրության 131-րդ հոդվածի համաձայն՝ եթե նախագահը մահանա իր պաշտոնավարման ընթացքում, նրա լիազորություններն ու պարտականությունները առաջնորդության հավանությամբ կստանձնի առաջին փոխնախագահը։
Իսկ խորհրդարանի նախագահից, դատական իշխանության ղեկավարից և առաջին փոխնախագահից կազմված խորհուրդը պարտավոր է միջոցներ ձեռնարկել առավելագույնը հիսուն օրվա ընթացքում նախագահական ընտրությունների անցկացման համար։