Իրանում արհեստական բանականության ազգային կազմակերպության հիմնադրման հետհաշվարկը սկսված է
Pars Today - Գիտության, տեխնոլոգիայի և գիտելիքահենք տնտեսության գծով ԻԻՀ փոխնախագահն ասել է.- Իրանում արհեստական բանականության ազգային կազմակերպության հիմնադրման հետհաշվարկը սկսված է։
Իրանի մշակութային հեղափոխության գերագույն խորհրդի անդամները օրերս հաստատել են Իրանի Իսլամական Հանրապետության արհեստական բանականության կազմակերպության հիմնադրման և ղեկավար խորհրդի ազգային փաստաթուղթը։
Ըստ Pars Today-ի՝ գիտության, տեխնոլոգիայի և գիտելիքահենք տնտեսության գծով ԻԻՀ փոխնախագահ՝ Ռուհոլլահ Դեհղանի Ֆիրուզաբադին սոցցանցի իր անձնական էջում գրել է.- Իրանում Արհեստական բանականության ազգային կազմակերպության հիմնադրման հետհաշվարկը սկսվելով, Իրանի նահատակ նախագահ՝ Էբրահիմ Ռայիսիի մտահոգությունը փարատվեց։
Իրանում արհեստական բանականության ազգային կազմակերպության տնօրենի նշանակումը նախագահի պարտականությունն է, իսկ կազմակերպության տնօրենը նշանակվում է չորս տարով, սակայն այդ ժամկետը երկարաձգելու համար ոչ մի խոչընդոտ չկա։
Նշենք, որ արհեստական ինտելեկտը հատուկ ծրագրավորմամբ մեքենա է, որը մտածում է մարդու նման և ունի մարդու վարքագիծը ընդօրինակելու ունակություն։
Հրապարակված վիճակագրության համաձայն՝ Իրանը համակարգչային գիտության և նոր տեխնոլոգիաների ոլորտում ամենաառաջատար երկիրն է տարածաշրջանում և իսլամական աշխարհում։ Այս զարգացումները տեղի են ունեցել այն ժամանակ, երբ ԱՄՆ-ը և արևմտյան որոշ երկրներ պատժամիջոցներ են կիրառել Իրանի մի շարք գիտական հաստատությունների նկատմամբ: