Մարդու իրավունքների իսլամական մրցանակի շնորհում նահատակ Հանիեին
Մարդու իրավունքների իսլամական 8-րդ մրցանակը՝ «Պաշտպանել Պաղեստինի ճնշված ժողովրդին, դիմադրության առանցքը և Սիոնիստական ռեժիմի հանցագործություններին դիմակայելը» վերնագրով շնորհվել է Պաղեստինի իսլամական դիմադրության շարժման (ՀԱՄԱՍ-ի) քաղաքական բյուրոյի ղեկավար նահատակ Իսմայիլ Հանիեին։
Իրանի Իսլամական Հանրապետության նախաձեռնությամբ օգոստոսի 5-ը՝ Իսլամական մարդու իրավունքների հռչակագրի ընդունման տարեդարձի օրը, կոչվել է «Իսլամական մարդու իրավունքների և մարդու արժանապատվության օր» և որոշվել է, որ իսլամական երկրներն ամեն տարի այս օրը նշեն ազգային մակարդակով։
Իրանի դատական համակարգի ղեկավար Ղոլամհասան Մոհսենի Էժեին կիրակի օրը Թեհրանում տեղի ունեցած Մարդու իրավունքների իսլամական 8-րդ մրցանակի շնորհման արարողության ժամանակ բացատրել է Իսլամական Հանրապետության դիրքորոշումը Սիոնիստական ռեժիմի հանցագործությունների նկատմամբ և ընդգծել համաշխարհային համերաշխությունն ընդդեմ այդ ճնշումների:
Իր ելույթում Էժեին ասել է.«Այսօր բոլոր խավերից մուսուլմանների ու ոչ մուսուլմանների միջազգային հոսանքը կանգնած է Իսրայելի ճնշումների ու հանցագործությունների դեմ և դատապարտում է այն»: Նա հավելել է. «Այս դաժան վարչակարգի առջև մեր օգտագործած ցանկացած բառ չի կարող արտահայտել այս ռեժիմի հանցագործությունների ծանրությունը»:
Էժեին ընդգծել է, որ այսօր աշխարհի մարդիկ, նույնիսկ այն երկրներում, որոնք աջակցում են Սիոնիստական ռեժիմին, գիտակցել են այս ռեժիմի հանցագործությունները, և դա ցույց է տալիս համաշխարհային մի միտում, որը կանգնած է բռնությունների դեմ։ Նա իսլամական մարդու իրավունքների պաշտպաններին խնդրել է ավելի մեծ քայլեր ձեռնարկել Սիոնիստական ռեժիմի հանցագործությունները բացահայտելու համար: