Իրանի ատոմային էներգիայի կազմակերպության ղեկավար. Իրանական ռադիոդեղամիջոցներն արտահանվում են աշխարհի 5 մայրցամաքներ
Իրանի ատոմային էներգիայի կազմակերպության ղեկավար Մոհամմադ Էսլամին մի հեռուստատեսային հաղորդման ընթացքում, անդրադառնալով միջուկային տեխնոլոգիաների տարբեր կիրառություններին, ներառյալ ռադիոդեղամիջոցների արտադրությանը, ասել է, որ Իրանում արտադրվող ռադիոդեղամիջոցներն արտահանվում են աշխարհի 5 մայրցամաքներ, մինչդեռ առկա է արտահանման մակարդակը ավելացնելու հնարավորություն։
Էսլամին հավելել է, որ ախտորոշիչ ռադիոդեղագործական միջոցների ճշգրտության գործոնի բարձրացումը, ինչպես նաև այդ դեղերի արդյունավետությունը և արտադրական հզորությունների կայունացումը՝ համարվում են Իրանում արտադրվող ռադիոդեղամիջոցների արտահանման ոլորտի նպատակներից։
Իրանի ատոմային էներգիայի կազմակերպության ղեկավարը ընդգծելով որ շուրջ 20 տեսակի ռադիոդեղամիջոցներ գտնվում են ուսումնասիրության և հետազոտության փուլում, նշեց որ Իրանն աշխարհում երկրորդ և երրորդ տեղն է զբաղեցնում որոշ ռադիոդեղամիջոցների արտադրությամբ, որոնք այժմ ընդգրկված են երկրի Ատոմային էներգիայի կազմակերպության արտադրանքի ծրագրում, և Իրանը, որպես այս ոլորտում առաջատար դերակատարներից մեկը, հնարավորություն ունի արտադրելու տարբեր տեսակի ռադիոդեղամիջոցներ:
Այսօր Իրանի դեղագործական կարիքների 99%-ն արտադրվում է երկրի ներսում, ինչը կարևոր քայլ է համարվում ինքնաբավության հասնելու և օտարներից կախված չլինելու համար: