Իրանի և Բահրեյնի ԱԳ նախարարներն ընդգծել են երկկողմ հարաբերությունների ընդլայնման անհրաժեշտությունը
ԻԻՀ և Բահրեյնի ԱԳ նախարարներն ընդգծել են երկու երկրների միջև երկխոսությունները շարունակելու և ձեռք բերված պայմանավորվածություններն իրագործելու անհրաժեշտությունը։
ԻՌՆԱ-ի հաղորդմամբ՝ Բահրեյնի ԱԳ նախարար Աբդուլ Լաթիֆ բեն Ռաշիդ Ալ Զիանին շնորհավորել է Աբբաս Արաղչիին՝ Իրանի ԱԳ նախարարի պաշտոնում նշանակվելու կապակցությամբ։
Անդրադառնալով Իրանի հետ երկկողմ հարաբերությունների կարևորությանը, նա հույս է հայտնել, որ Արաղչիի պաշտոնավարման շրջանում Թեհրանի և Մանամայի միջև քաղաքական երկխոսությունները կընդլայնվեն։
Արաղչին շնորհակալություն է հայտնել շնորհավորանքի, ինչպես նաև ԻԻՀ նախագահի երդմնակալության արարողությանը մասնակցելու համար, նշելով, որ ԻԻՀ կառավարության առաջնահերթություններից է հարևանների հետ հարաբերությունների զարգացումը։
Երկուստեք ընդգծվել է նաև ձեռք բերված պայմանավորվածությունների շրջանակում երկխոսությունները շարունակելու անհրաժեշտությունը։
