Ռուսաստանն ու Իրանը քննարկել են ահաբեկչության դեմ պայքարի հարցը
Փետրվար 02, 2016 15:34 Asia/Tehran
Ռուսական RIA Novosti լրատվական գործակալության փոխանցմամբ՝ Իրանի գերագույն առաջնորդի՝ միջազգային հարցերով խորհրդական Ալի Աքբար Վելայաթին փետրվարի 1-ին հանդիպել է Ռուսաստանի նախագահի՝ Սիրիայի հետ հարցերով հատուկ ներկայացուցիչ Ալեքսանդր Լավրենտևի հետ։
Հանդիպման ժամանակ կողմերը քննարկել են քառյակ դաշինքի կազմում ահաբեկչությանը հակազդելը, երկկողմ համագործակցությունն ու Սիրիայում իրավիճակի կարգավորումը։ Այդ մասին հայտնել է Ռուսաստանում Իրանի դեսպանատունը։
Հանդիպման ժամանակ ընդգծվել է, որ Սիրիայում իրավիճակի կարգավորումը պետք է տեղի ունենա առանց արտաքին միջամտության ու ահաբեկչական խմբերի մասնակցության։