Իրանի կառավարության խոսնակ. Լիբանանում Իսրայելի ահաբեկչությունը ոճրագործություն է

Սահաբ - Իրանի Իսլամական Հանրապետության կառավարության խոսնակն ասել է. «Սիոնիստական ​​ռեժիմը ոճիրն ու ահաբեկչությունը հանել  է նոր մակարդակի աշխարհի աչքի առջև՝ պայթեցնելով Լիբանանի կապի սարքերը»։

Երեքշաբթի և չորեքշաբթի (սեպտեմբերի 17-ին և 18-ին) Սիոնիստական ​​ռեժիմը հանցավոր գործողությամբ Լիբանանում պայթեցրել է մի շարք հաղորդագրություններ ընդունող սարքեր (փեյջեր), և այդ պայթյունների հետևանքով Լիբանանի տարբեր շրջաններում, հատկապես Բեյրութում, զոհվել է 32 մարդ, այդ թվում՝ մի աղջնակ և վիրավորվել  ավելի քան երեք հազար մարդ։

Ըստ IRNA-ի, այս կապակցությամբ Իրանի Իսլամական Հանրապետության կառավարության խոսնակ «Ֆաթեմե Մոհաջերանին» ուրբաթ օրը, անդրադառնալով Լիբանանում փեյջերների պայթելուն, ասաց. «Մանկասպան Սիոնիստական ​​ռեժիմն այս անգամ իր ոճրագործությունը իրականացրեց Լիբանանում, ինչպես Գազայում, և սպանելով տասնյակ խաղաղ բնակիչների և վիրավորելով հարյուրավոր լիբանանցիների կապի սարքերի պայթեցմամբ՝ ոճիրն ու ահաբեկչությունը հանել է նոր մակարդակի աշխարհի աչքի առջև»։

Լիբանանում Իրանի դեսպան Մոջթաբա Ամանիին տեսակցելիս Մոհաջերանին տեղեկացվել է նրա բուժման ընթացքի մասին և ասել. «Պայթած փեյջերները Լիբանանում զանգվածային հաղորդակցության սովորական միջոց են քաղաքացիների շրջանում, և նույնիսկ ուսանողներն են օգտագործում այդ սարքը»:

Իրանի Իսլամական Հանրապետության նախագահը ևս, ներկա գտնվելով Թեհրանի հիվանդանոցներից մեկում, տեսակցել է Սիոնիստական ​​ռեժիմի վերջին ահաբեկչության հետեւանքով վիրավորներին, ովքեր տեղափոխվել են Իրան բուժման նպատակով։