ԻԻՀ զինված ուժերի գլխավոր շտաբի տեղակալի խորհրդակցությունը Հարավաֆրիկյան Հանրապետության պաշտպանության նախարարի հետ
Հարավաֆրիկյան հանրապետության օդատիեզերական և պաշտպանության միջազգային ցուցահանդեսին մասնակցելու նպատակով բարձրաստիճան զինվորական պատվիրակության գլխավորությամբ այս երկիր մեկնած Իրանի Զինված ուժերի գլխավոր շտաբի պատրաստության և աջակցության գծով տեղակալ, բրիգադային գեներալ Մոհսեն Դարեհբաղին հանդիպել է Հարավաֆրիկյան Հանրապետության պաշտպանության նախարար տիկին Անջի Մոտշեխային, որի ընթացքում կողմերը քննարկել են երկկողմ պաշտպանական-ռազմական համագործակցությունը։
Ըստ ԻՍՆԱ-ի, այս հանդիպմանն, անդրադառնալով երկու երկրների պաշտպանական համագործակցության պատմությանը, բրիգադային գեներալ Դարեհբաղին կոչ է արել օգտագործել բոլոր կարողությունները երկու երկրների միջև համագործակցությունն ու փոխգործակցությունն ամրապնդելու համար։
Հրավիրելով տիկին Մոտշեխային Իրան այցելելու՝ նա հույս հայտնեց, որ այս ուղեւորության ընթացքում կիրականացվեն երկու երկրների անցյալի համաձայնությունները եւ կբացահայտվեն համագործակցության նոր ոլորտներ։
Այս հանդիպմանը Ամիր Դարեհբաղին փոխանցել է Իսլամական Հանրապետության երախտագիտությունն ու աջակցությունը Հարավաֆրիկյան Հանրապետության խիզախ դիրքորոշմանը՝ ի պաշտպանություն Պաղեստինի ճնշված ժողովրդի և Սիոնիստական ռեժիմի ցեղասպանության թղթածրարը Արդարադատության միջազգային դատարան ուղարկելու համար։
Հարավաֆրիկյան Հանրապետության պաշտպանության նախարար տիկին Մոտշեխան, ով այս երկրի հեղափոխական մարտիկներից է, շնորհակալություն հայտնելով ցուցահանդեսում Իրանի բարձրաստիճան պատվիրակության ներկայության կապակցությամբ, ողջունեց Իրան այցելության հրավերը և հույս հայտնեց, որ այդ այցը կխորացնի երկու երկրների հարաբերությունները ռազմական պաշտպանության ոլորտում։
Հարավաֆրիկյան Հանրապետության պաշտպանության նախարարը բարձր է գնահատել Իրանի ժողովրդի դիմադրությունը դաժան ու անմարդկային պատժամիջոցների ու ճնշումների դեմ և ընդգծել ազատատենչ երկրների աջակցությունը միմյանց հանդեպ։
Ընդգծելով իր երկրի ամենաբարձր մակարդակով աջակցությունը Պաղեստինի ճնշված ժողովրդին՝ նա այդ աջակցությունը համարեց բոլոր երկրների մարդկային և բարոյական պարտքը և ընդգծեց դրա շարունակականությունը։