Ամբողջ Իրանում սգում են Սեյեդ Հասան Նասրոլլահի նահատակությունը + լուսանկարներ

Սիոնիստական ​​ռեժիմի կողմից «Հեզբոլլահի» գլխավոր քարտուղար Սեյեդ Հասան Նասրոլլահին նահատակելու ոճիրը դատապարտելով, Իրանի տարբեր քաղաքների բնակիչներն ինքնաբուխ հավաքներ կազմակերպելով՝ համակրանք ու համերաշխություն են հայտնել Լիբանանի և Պաղեստինի ժողովրդին։

Գազայի հատվածում շուրջ մեկ տարի ոճրագործությունից և պատերազմից հետո, Սիոնիստական ​​ռեժիմը անցյալ երկուշաբթի օրվանից ընդլայնել է իր հանցագործությունները Լիբանանում, իսկ ուրբաթ օրը (սեպտեմբերի 27-ին) Բեյրութի հարավում գտնվող Դահիյայի ռմբակոծությունից հետո իր վերջին հանցագործության ընթացքում, նահատակվեց Լիբանանի Հեզբոլլահի գլխավոր քարտուղար Սեյեդ Հասան Նասրոլլահը։

Ըստ Parstoday-ի՝ երկրի 31 նահանգային կենտրոններում ինքնաբուխ անցկացված այս հավաքներին մասնակցել են Իրանի ժողովրդի տարբեր հատվածներ՝ կին ու տղամարդ, երիտասարդ ու տարեց, ուսանող ու աշակերտ և վանկարկել են «Մահ ԱՄՆ-ին», «Մահ Իսրայելին», «Ով դիմադրության Սեյեդ, քո ճանապարհը շարունակվում է» և «Ով Հեզբոլլահի առաջնորդ, շնորհավոր նահատակությունդ» կարգախոսները։

Այս հավաքների մասնակիցները, կրում էին Իրանի, Պաղեստինի և Լիբանանի Հեզբոլլահի դրոշներն և իսլամական հեղափոխության գերագույն առաջնորդի, նահատակ Հաջ Ղասեմ Սոլեյմանիի և Սեյեդ Հասան Նասրոլլահի պատկերները, և հայտարարեցին, որ  մինչև իրենց վերջին շունչը կդիմակայեն Ղոդսի ազատագրման և Սիոնիստական ​​ռեժիմի ոչնչացման ճանապարհին։

Սեյեդ Հասան Նասրոլլահի նահատակության լուրը հայտարարվելուց հետո, սգո դրոշ է  բարձրացվել Մաշհադ քաղաքում գտնվող Իմամ Ռեզայի,և Ղոմում գտնվող Հազրաթ Մասումեյի սրբավայր դամբարաններում։

Իրանի համալսարանականները նույնպես այսօր (կիրակի) դադարեցրել են դասերը՝ ի նշան Սիոնիստական ​​ռեժիմի ահաբեկչական գործողությունների դեմ բողոքի և Լիբանանի ժողովրդի հետ համերաշխության։

Իրանում բոլոր ազտվածաբանական դպրոցները երեք օրով դադարեցրել են իրենց աշխատանքը՝ ի նշան Սիոնիստական ​​ռեժիմի հանցագործությունների դեմ բողոքի։

Դիմադրության դրոշակակիր Սեյեդ Հասան Նասրոլլահի նահատակության լուրը հայտարարվելուց հետո, Թեհրանի Թաբիաթ (բնություն) կամրջի և Միլադ աշտարակի լույսերը նույնպես կարմիր են դարձել՝ ի նշան վրեժխնդրության։