Կայացել է Իրանի և Նիդերլանդների ԱԳ նախարարների հանդիպումը
Իրանի և Նիդերլանդների ԱԳ նախարարները քննարկել են երկկողմ, տարածաշրջանային և միջազգային կարևորագույն հարցեր։
Հղում անելով ԻՌՆԱ-ին, «Սահաբ» գործակալությունը հաղորդում է, որ Քաղաքակրթությունների դաշինքի 10-րդ համաշխարհային վեհաժողովին մասնակցելու նպատակով Պորտուգալիա մեկնած Աբբաս Արաղչին հանդիպել է Նիդերլանդների ԱԳ նախարար Կասպեր Վելդկամպի հետ։
Նոյեմբերի 25-27-ն անցկացված վեհաժողովում ունեցած ելույթում Աբբաս Արաղչին ներկայացրել է Իրանի դիրքորոշումները խաղաղության և տարածաշրջանային զարգացումների վերաբերյալ և անդրադարձել է արդեն 14 ամիս շարունակվող Պաղեստինի ժողովրդի ցեղասպանության հետևանքով առաջացած մարդկային աղետին և այդ կապակցությամբ միջազգային կառույցների անգործությունը:
Նշելով, որ Սիոնիստական ռեժիմի ոճրագործությունն ու դաժանությունը լուրջ փորձության է ենթարկել միջազգային հանրությանն Արաղչին ասել է․ «Միջազգային կառույցներն այդ թվում՝ ՄԱԿ-ի Անվտանգության խորհուրդը, Արդարադատության միջազգային դատարանը և Միջազգային քրեական դատարանը, չեն կատարել իրենց հիմնարար պարտականությունները միջազգային իրավունքի և մարդու իրավունքների լուրջ խախտումների պայմաններում»:
Վեհաժողովի շրջանակներում ԻԻՀ ԱԳ նախարարը հանդիպել է մի շարք երկրների ԱԳ նախարարների, ինչպես նաև նիստի մասնակիցների, այդ թվում՝ ՄԱԿ-ի գլխավոր քարտուղար Անտոնիո Գուտերեշի հետ։
