Իրանի կողմից արհեստական ինտելեկտի օգտագործումը անօդաչու թռչող սարքերի արդիականացման և օպտիմալացման համար
Սահաբ - Իրանի զինված ուժերի պաշտպանության եւ աջակցության նախարարը, ընդգծելով անօդաչու սարքերում արհեստական բանականության կիրառումը, հայտարարել է.«Իրանի բանակն անհրաժեշտության դեպքում կարող է գրավել երկինքը եւ մահացու հարվածներ հասցնել հակառակորդին»։
Ըստ Sahab-ի, որը մեջբերում է ԻՌՆԱ-ն, բրիգադային գեներալ Ազիզ Նասիրզադեն ասել է. «ԻԻՀ բանակը հասել է զգալի հասունության ԱԹՍ-ների օգտագործման հարցում և ներկայացրել է անօդաչու թռչող սարքերի բազմազան տեսականի և տարբեր ռազմավարություններ՝ հատուկ նորարարություններով՝ ցամաքային, օդային, ծովային և պաշտպանական ուժերի օգտագործման համար»։
Բրիգադային գեներալ Նասիրզադեն հայտարարելով որ ԱԹՍ-ներում մենք անպայման օգտագործում ենք արհեստական ինտելեկտը, հավելեց. «Անօդաչու սարքերի արդիականացումն ու օպտիմալացումը ցանկացած տեսակի զենքի վրա կախված է օպերատիվ մոնիտորինգից և ժամանակակից տեխնոլոգիաներ ու գիտելիքներ ձեռք բերելուց»։
Իրանի ԶՈւ պաշտպանության և աջակցության նախարարը հայտարարել է. «Իրանի ԱԹՍ-ները հանգեցրել են ԻԻՀ բանակում այնպիսի հզորության ստեղծմանը, որը կարող է գրավել երկինքը և անհրաժեշտության դեպքում հակառակորդին մահացու հարվածներ հասցնել»։
Բրիգադային գեներալ Նասիրզադեն ընդգծել է. «Իրանի ԶՈւ ոչ մի թշնամու թույլ չեն տա հանդգնել և լկտիություն դրսեվորել»: