Մայիսի 15-ից կիրականացվի Եվրասիայի հետ Իրանի ազատ առևտուրը
Իրանի Առևտրի զարգացման կազմակերպության խորհրդականն ասել է. «Համաձայն պայմանագրի՝ մայիսի 15-ից միաժամանակ Իրանում և Եվրասիական միության անդամ երկրներում կսկսվի Իրանի և այդ միության անդամ երկրների միջև ազատ առևտուրը»։
Միրհադի Սեյեդին հայտարարել է, որ Իրանի և Եվրասիական տնտեսական միության հինգ երկրների (Ռուսաստան, Ղազախստան, Ղրղզստան, Բելառուս և Հայաստան) միջև ազատ առևտրի համաձայնագիրը մոտ 7 տարվա բանակցություններից հետո, հավանության է արժանացել այս հինգ երկրների խորհրդարանների, ինչպես նաև Իրանի Իսլամական խորհրդարանի կողմից։ Այս համաձայնագիրը Իրանում ծանուցվել է այս տարվա մարտի 25-ին, իսկ դրա իրականացումը միաժամանակ բոլոր անդամ երկրներում կիրականացվի այս տարվա մայիսի 15-ից։
Այս համաձայնագիրը ներառում է մաքսատուրքերի վերացում Իրանի արտահանման 87%-ի համար, ինչը ապահովում է առևտրի ավելի անվտանգ և ավելի քիչ ծախսատար անցում։ Սեյեդին հավելել է, որ Իրանն առաջին անգամ է իրականացնում նման լայնածավալ համաձայնագիր։
Նաև ֆինանսական ոլորտում ստեղծվել են SWIFT փոխանցման համակարգ ռիալով և ռուբլով, իսկ Իրանի ազգային բանկը զարգացումներ է ստեղծել ֆինանսական փոխանցումների ոլորտում՝ Ռուսաստանում ստեղծելով «Միր բիզնես բանկ»։ Այս համաձայնագիրը բարելավել է առևտրային փոխանակումները և տրանսպորտային միջոցները։