Իրանը սննդամթերքի անվտանգության առումով տարածաշրջանի առաջատար երկրների եռյակում է

Pars Today- Իրանի Իսլամական Հանրապետության առողջապահության, բուժման և բժշկական կրթության նախարարը ասաց.- Իրանը սննդամթերքի անվտանգության առումով տարածաշրջանի առաջատար երկրների եռյակում է։

Ինչպես հաղորդում է Pars Today-ը մեջբերելով ISNA գործակալությունը, հայտարարելով սննդամթերքի անվտանգության ոլորտում ձեռքբերումների և վիճակագրության մասին, Իրանի Իսլամական Հանրապետության առողջապահության, բուժման և բժշկական կրթության նախարար Մուհամմեդ Ռեզա Զաֆարղանդին հավելել է.-Օրինակ, հղի մայրերի մահացության մակարդակը երկրում կազմում է մոտ 22՝ 100000-ից, և Իրանում շատ լավ միջոցներ են ձեռնարկվել այս ցուցանիշը նվազեցնելու համար, և մենք այժմ աշխարհի առաջատար երկրների շարքում ենք:

Իրանի առողջապահության նախարարն ասել է.-Սննդի մի ասպեկտը մարդկանց համար անհրաժեշտ կալորիաների քանակն է, հատկապես մանկական տարիքում: Սովորաբար, ամբողջական սնունդը ներառում է շաքար, ճարպ, սպիտակուց և վիտամիններ:

Անդրադառնալով սննդի ոլորտում առողջապահության նախարարության և սննդամթերքի և դեղերի կազմակերպության պարտականություններին՝ Զաֆարղանդին նշել է.-Սննդի անվտանգությունը շատ կարևոր է, այնպես որ առողջապահության նախարարությունում աշխատում է 700 մարդ և այս ոլորտում 450 լաբորատորիաներ, որոնք վերահսկում  են 17000 սննդի գործարաններն ու ընկերությունները։