Ջեբելին «Խաբար» լրատվական ստուդիայում. Մենք կկանգնենք մինչև վերջ
Սիոնիստական ռեժիմը չի ցանկանում, որ լրագրողները ցուցադրեն այս հանցագործություններն առանց ցենզուրայի։
Իրանի ռադիո-հեռուստատեսության կազմակերպության տնօրեն Փեյման Ջեբելին «Խաբար» լրատվական ստուդիայում ներկայանալով, ասաց. «Ինչպես նշեցիք, Իրանի ռադիո-հեռուստատեսության կազմակերպության մեր պատվախնդիր գործընկերները կատարել և կատարում են իրենց պարտականությունը: Սա զենք չունեցող հաստատության վրա հարձակման տարօրինակ արարք է, և այս հարձակումը չի արդարացվում, և երբ նայում ենք սիոնիստական ռեժիմի պատմությանը, լրագրողները միշտ եղել են այս ռեժիմի թիրախներից մեկը»:
Արյունոտ թղթի կտորը բարձրացնելով, Ջեբելին հայտարարեց. «Մեր զենքը լրատվամիջոցներում թուղթ է ու գրիչ։ Մեր գործընկերն այս թուղթը ձեռքին լուր է գրում և տեսախցիկը ձեռքում նկարահանում է և ցույց է տալիս իրողությունը։ Ինչպիսի վայրագ թշնամու հետ ենք մենք բախվում: Այս կերպ սիոնիստ թշնամին ցանկանում էր ցենզուրայի ենթարկել իր այս դաժան վայրագությունները»:
Ջեբելին հավելեց. «Կօգտվենք այս առիթից և մինչև արյան վերջին կաթիլը բարձր կպահենք ազգային լրատվամիջոցի դրոշը, և մենք խոստանում ենք, որ ազգային լրատվամիջոցի զավակները չեն հրաժարվի սիոնիստական ռեժիմի հանցագործությունները ցույց տալու իրենց բարոյական, մասնագիտական և պատմական պարտականությունից, և մենք մինչև վերջ կկանգնենք այս հանցագործությունները քողազերծելու և նրանց խայտառակելու համար, և մենք կշարունակենք մեր տեղեկատվական պարտականությունը մեծ ուժով»։