Արաղչի. ԱՄՆ-ի հետ բանակցությունները բացառված են, քանի դեռ ագրեսիան շարունակվում է
«Ալ-Արաբի Ալ-Ջադիդ» հեռուստաալիքին տված հարցազրույցում, ԻԻՀ ԱԳ նախարարն ասել է. «Մենք բոլոր միջնորդներին ասել ենք, որ Իրանը չի վերադառնա Միացյալ Նահանգների հետ բանակցությունների սեղանի շուրջ, քանի դեռ ագրեսիան շարունակվում է»։
Հղում անելով Tasnim լրատվական գործակալությանը, Pars Today-ը հաղորդում է, որ Աբբաս Արաղչին ասել է. «Մեր հարգանքը Կատարի ինքնիշխանության և տարածքային ամբողջականության նկատմամբ կայուն և մշտական է։ Մենք ԱՄՆ-ից հաղորդագրություններ ենք ստացել և պատասխանները փոխանցել միջնորդների միջոցով։ Մենք բոլոր միջնորդներին ասել ենք, որ Իրանը չի վերադառնա Միացյալ Նահանգների հետ բանակցությունների սեղանի շուրջ, քանի դեռ ագրեսիան շարունակվում է»։
Նա հավելել է․ «Արաբական և իսլամական երկրների հասարակական կարծիքի և Իրանի ժողովրդի միջև մտերմությունն առավել քան երբևէ, ամրապնդվել է»։