Իրանի առևտրաշրջանառությունը գերազանցել է 24 միլիարդ դոլարը
Հուլիս 01, 2025 13:37 Asia/Tehran
Անցած եռամսյակում Իրանի ոչ նավթային առևտրի ընդհանուր ծավալը կազմել է 43.4 միլիոն տոննա, կամ 24.68 միլիարդ դոլար։
Pars Today-ի փոխանցմամբ՝ Իրանի մաքսային ծառայության ղեկավար Ֆարուդ Ասկարին հայտարարել է․ «Իրանի ոչ նավթային արտահանումը այս ժամանակահատվածում կազմել է 34.4 միլիոն տոննա կամ 11.65 միլիարդ դոլար։ Արտահանվել է 4.68 միլիարդ դոլար արժողությամբ 11.13 միլիոն տոննա նավթաքիմիական արտադրանք։
Նշված ժամանակահատվածում Իրանի արտահանման հիմնական ուղղություններն են եղել Չինաստանը, Իրաքը, ԱՄԷ-ն, Թուրքիան, Աֆղանստանը, Օմանը և Պակիստանը։ Նույն ժամանակահատվածում Իրանը ներմուծել է 13.02 միլիարդ դոլար արժողությամբ 9.01 միլիոն տոննա ապրանք։