Իրանում արտադրվել է ռադիոդեղ, որը թույլ կտա վաղ շրջանում հայտնաբերել՝ Ալցհեյմերի հիվանդությունը
ԻԻՀ միջուկային արդյունաբերության ոլորտի գիտնականներին հաջողվել է ստեղծել Ալցհեյմերի հիվանդությունը վաղ շրջանում ախտորոշող ռադիոդեղ։
Pars Today-ի փոխանցմամբ՝ Pars-Zimmer առևտրային անվամբ դեղամիջոցը գործում է PET (Pet Scan) տեխնոլոգիայի հիման վրա։ Այն ներարկումից հետո կուտակվում է ուղեղի բետա-ամիլոիդային վահանիկների վրա, ինչը թույլ է տալիս բժիշկներին վաղ շրջանում մեծ ճշգրտությամբ հայտնաբերել Ալցհեյմերի հիվանդության ախտանիշները։
Մասնագետների կարծիքով, այս ռադիոդեղը կարող է Ալցհեյմերի հիվանդությունն ախտորոշել 20 տարի առաջ, ինչը թույլ կտա ավելի ճշգրիտ, արդյունավետ և թիրախային բուժում իրականացնել։
Այս նվաճումն Իրանի միջուկային արդյունաբերության ոլորտի մասնագետների երկամյա ջանքերի արդյունքն է։ Դեղը հաջողությամբ անցել է կլինիկական փորձարկումները և մինչ օրս ներարկվել է 80 հիվանդի՝ ցույց տալով շատ դրական արդյունքներ։
Այս նոր ռադիոդեղը կարող է հեղափոխություն իրականացնել ուղեղի պատկերագրման ոլորտում։