Իրանի խորհրդարանի խոսնակ. Իսրայելի ռեժիմի գործողությունները հիշեցնում են նացիստների հանցագործությունները
Իրանի իսլամական խորհրդարանի նախագահը միջազգային իրավունքի պահպանմանը նվիրված նիստում հայտարարել է, որ Գազայում Իսրայելի ռեժիմի գործողությունները հիշեցնում են նացիստների հանցագործությունները։
Ժնևում խորհրդարանների նախագահների վեցերորդ համաժողովի շրջանակներում երեքշաբթի օրը կայացած միջազգային խաղաղության և անվտանգության ապահովման նպատակով միջազգային իրավունքին և ՄԱԿ-ի կանոնադրությանը հավատարմությանը նվիրված հանդիպման ժամանակ, Մոհամմադ Բաղեր Ղալիբաֆն ասել է. «Գազայում տեղի ունեցողը ոչ միայն տարածաշրջանային ճգնաժամ է, այլև արթնացման կոչ ամբողջ աշխարհի համար»։
Pars Today-ի փոխանցմամբ՝ Ղալիբաֆը հավելել է. «Սիոնիստական ռեժիմը հանգիստ ու ծրագրված ձևով իրականացնում է հանցագործություն, որը, կարծես, ծագել է պատմության ամենասարսափելի հանցագործությունների մղձավանջներից»։
Նա նշել է, որ Գազայում Իսրայելի գործողությունները հիշեցնում են նացիստների հանցագործությունները և հավելել. «Իսրայելին դիմակայելու հարցում ցանկացած ուշացում նշանակում է մեղսակցություն 21-րդ դարի նացիստների հանցագործություններին։ Եթե 21-րդ դարի նացիստները հաղթեն Գազայում, այս կրակը կտարածվի աշխարհի այլ մասերում»։