Իրանը պաշտպանության նոր խորհուրդ կստեղծի համակարգումը բարձրացնելու համար

Իրանը պաշտպանության նոր խորհուրդ կստեղծի ազգային անվտանգության ոլորտի համակարգումը բարձրացնելու համար։ Տեղեկությունը հայտնում են տեղական ԶԼՄ-ները:

Իրանի ազգային անվտանգության բարձրագույն խորհուրդը հավանություն է տվել պաշտպանության նոր խորհրդի ստեղծմանը:

Նոր կառույցը կդառնա պաշտպանական ռազմավարությունների կենտրոնացված գնահատման և Իրանի զինված ուժերի օպերատիվ կարողությունների բարձրացման պատասխանատուն:

Խորհուրդը կգլխավորի Իրանի նախագահը։ Կազմում կընդգրկվեն նաև իշխանության երեք ճյուղերի ներկայացուցիչներ, բարձրագույն հրամկազմի և համապատասխան նախարարությունների ներկայացուցիչներ: