«Ոչ մի բան զոռով չի լինելու». Իրանի դեսպանը՝ «Զանգեզուրի միջանցքի» մասին

Հայաստանում Իրանի դեսպան Մեհդի Սոբհանին ՀՀ Ազգային ժողովում լրագրողների հետ ճեպազրույցում պարզաբանեց, որ «միջանցք» անունով որևէ բան գոյություն չունի։

Դեսպանի խոսքով՝ խոսքը միայն ճանապարհի մասին է, և ոչ թե միջանցքի։ Նա շեշտեց․ «Ո՛չ խաղաղության պայմանագրի տեքստում, ո՛չ ստորագրված հռչակագրում միջանցքի մասին խոսք չկա։ Ոչ մի միջանցք չի լինելու, ոչ մի բան զոռով չի լինելու»։

Սոբհանին նաև նշեց, որ այցը կատարվում է խորհրդարանական համագործակցության շրջանակում, և ծրագրում է ստեղծել հյուպատոսական հարցերով զբաղվող համատեղ հանձնաժողով։