Ֆրանսիայի ԱԳ նախարարը հեռախոսազրույց է ունեցել Արաղչիի հետ
Իր ֆրանսիացի գործընկերոջ հետ հեռախոսազրույցում, Իրանի ԱԳ նախարաը նշել է, որ Եվրոեռյակի կողմից Անվտանգության խորհրդում «Ձգանի մեխանիզմի» ակտիվացումը չունի քաղաքական և իրավական նշանակություն և միայն նպաստելու է լարվածության ու ճգնաժամի խորացմանը։
«Ֆարս» լրատվական գործակալության փոխանցմամբ՝ սեպտեմբերի 16-ին Ֆրանսիայի ԱԳ նախարար Ժան-Նոել Բարոն և ԻԻՀ ԱԳ նախարար Աբբաս Արաղչին հեռախոսազրույց են ունեցել։
Ժան-Նոել Բարոն մտահոգություն է հայտնել լարվածության կապակցությամբ և ընդգծել երկխոսության մթնոլորտի պահպանման և դիվանագիտական ուղուն վերադառնալու անհրաժեշտությունը։
Արաղչին նշել է, որ Եվրոեռյակի կողմից Անվտանգության խորհրդում «Ձգանի մեխանիզմի» ակտիվացումը չունի քաղաքական և իրավական նշանակություն և միայն նպաստելու է լարվածության ու ճգնաժամի խորացմանը։
Վերջերս ԻԻՀ ԱԳ նախարարը համատեղ հեռախոսազրույց էր ունեցել Եվրոեռյակի ԱԳ նախարարների և ԵՄ արտաքին քաղաքականության պատասխանատու տիկին Կայա Կալլասի հետ։
Օգոստոսի 28-ին Գերմանիան, Ֆրանսիան և Մեծ Բրիտանիան Անվտանգության խորհրդին ուղղված նամակում տեղեկացրել են «Ձգանի մեխծանիզմի» մեկնարկի և Անվտանգության խորհրդի չեղարկված պատժամիջոցների վերականգնման գործընթացը սկսելու մասին:
Արաղչին նաև կրկին ընդգծել է, որ Իրանի միջուկային ծրագիրը կրում է բացառապես խաղաղ բնույթ և, անդրադառնալով Թեհրանի ու ՄԱԳԱՏԷ-ի միջև վերջերս կնքված համաձայնագրին, ասել է. «Իրանը մշտապես դիվանագիտությունը համարել է միջազգային խնդիրները, այդ թվում՝ երկրի միջուկային ծրագիրը լուծելու միակ միջոցը, և պատրաստ է ցանկացած արդար և հավասարակշռված լուծման, որը կապահովի փոխադարձ օգուտներ»:
Կողմերը քննարկել են նաև երկու երկրների միջև երկկողմ հարաբերությունների, այդ թվում՝ հյուպատոսական հարցերի վիճակը և ընդգծել երկկողմ շփումներն ու խորհրդակցությունները շարունակելու անհրաժեշտությունը: