Արաղչիի ուղերձը իր հայ գործընկերոջը՝ Հայաստանի անկախության օրվա կապակցությամբ

Իրանի Իսլամական Հանրապետության արտաքին գործերի նախարար Սեյեդ Աբբաս Արաղչին ՀՀ արտաքին գործերի նախարար Արարատ Միրզոյանին հղած ուղերձում  շնորհավորել է  Հայաստանի Հանրապետության ազգային տոնի՝ Անկախության օրվա  կապակցությամբ։ 

Իր ուղերձում Իրանի արտաքին գործերի նախարարը, ջերմորեն շնորհավորելով իր հայ գործընկերոջը, ընդգծել է,որ երկու երկրների հարաբերությունները հիմնված են պատմական և քաղաքակրթական արժեքավոր կապերի վրա,որոնք կարևոր կապիտալ են տարբեր ոլորտներում համագործակցության զարգացման համար։

Արաղչին նաև հույս է հայտնել, որ երկու երկրների ղեկավարների կամքի և հեռատեսության շնորհիվ Իրանի և Հայաստանի միջև հարաբերությունները կշարունակեն զարգանալ համատեղ շահերի ու տարածաշրջանային խաղաղության և կայունության ամրապնդման ուղղությամբ։

։