ԻԻՀ զինված ուժերը զգուշացնում են հեղափոխության առաջնորդի նկատմամբ ցանկացած ոտնձգության համար
Իրանի Զինված ուժերի ավագ խոսնակ գեներալ Աբոլֆազլ Շեքարչին հայտարարել է, որ Իսլամական հեղափոխության առաջնորդի նկատմամբ ցանկացած ոտնձգության դեպքում Իրանի Իսլամական Հանրապետությունը վճռական պատասխան կտա, և ոչ մի անվտանգ գոտի չի մնա թշնամու համար։
Գեներալ Աբոլֆազլ Շեքարչին այսօր Արհեստավորների և շուկայավարների նահատակների կոնգրեսում, անդրադառնալով Դոնալդ Թրամփի վերջին սպառնալիքներին, ընդգծել է, որ այդ պոռոտախոսությունը որևէ ազդեցություն չունի Իրանի կամքի և պաշտպանական կարողությունների վրա,և որ թշնամին լավ գիտակցում է Իսլամական Հանրապետության զսպողական ուժի մասին։
Զինված ուժերի գլխավոր շտաբի մշակույթի և փափուկ պատերազմի գծով տեղակալը հավելել է, որ Իրանի դեմ ագրեսիայի ամենափոքր ակտի դեպքում իր երկիրը կպատասխանի նախքան ագրեսիայի տարածումը։ Անդրադառնալով անցյալի փորձին, այդ թվում՝ պարտադրված 12-օրյա պատերազմին, նա ասել է, որ այս իրադարձությունները ցույց են տվել, որ սիոնիստական ռեժիմը ծանր կորուստներ է կրել, և դրա հետևանքները տարիներ շարունակ կմնան։
Իր ելույթի մեկ այլ մասում գեներալ Շեքարչին հիմնական սպառնալիքը համարեց փափուկ և ճանաչողական պատերազմը և վճռորոշ գնահատեց ժողովրդի, արհմիությունների և մշակութային ակտիվիստների դերը այս տեսակի սպառնալիքին դիմակայելու գործում։