ԻՀՊԿ գլխավոր հրամանատար. Կորպուսը պատրաստ է կատարել Գերագույն գլխավոր հրամանատարի հրամանները
ԻՀՊԿ օրվա կապակցությամբ իր ուղերձում, Կորպուսի գլխավոր հրամանատար ընդգծել է. «Իսլամական հեղափոխության պահապանների կորպուսը և սիրելի Իրանը պատրաստ են կատարել գերագույն գլխավոր հրամանատարի, սեփական կյանքից ավելի թանկ առաջնորդի բոլոր հրամանները։
Հղում անելով ԻՌՆԱ-ին՝ Pars Today-ը հայտնում է, որ գեներալ-մայոր Մոհամմադ Փաքփուրը, Պահապանների օրվա կապակցությամբ ուղղված ուղերձում նշել է․ «Հունվարի 23-ին՝ նահատակների առաջնորդ և աշխարհի ազատ ժողովրդի առաջնորդ իմամ Հուսեյնի ծննդյան օրն է, որն իմամ Խոմեյնու նախաձեռնությամբ անվանվեց «Պահապանների օր»։ Շնորհավորում և ողջունում եմ Իսլամական հեղափոխության պահապանների կորպուսի անդամներին և զինվորներին, ովքեր փայլում են մոջահեդների և իսլամի զինվորների առաջնագծում՝ պաշտպանելու հեղափոխության և իսլամական համակարգի իդեալները, նվաճումներն ու արժեքները, երկրի ազգային անվտանգությունը և անկեղծորեն ծառայում Իրանին ու իրանցիներին»։
Նա հավելել է․ «Այս հուզական ժամանակաշրջանում, որը հիշեցնում է Քարբալայում իմամ Հուսեյնի էպոսը, մենք բարձր ձայնով և մեծ հպարտությամբ հայտարարում ենք, որ մենք Պահապաններ ենք, մենք կմնանք Պահապաններ, և Աստծո շնորհով ու ողորմածությամբ, սիրելի Իրանի մյուս հավատարիմ և նվիրված մարտիկների հետ, միասնական կերպով, հայրենիքի իշխանության և անվտանգության վահանը կդարձնենք ավելի ամուր, քան անցյալում, ամերիկա-սիոնիստական ռեժիմի թշնամանքի և ատելության փոթորկի դեմ: Մենք զգուշացնում ենք հանցագործ, ավազակ և անմարդկային թշնամիներին, մասնավորապես Միացյալ Նահանգներին և կեղծ ու ռասիստական Սիոնիստական ռեժիմին, խուսափել ցանկացած սխալ հաշվարկից՝ դասեր քաղելով պատմությունից և պարտադրված 12-օրյա պատերազմում իրենց փորձից, որպեսզի չարժանանան ավելի ցավոտ ճակատագրի: Իսլամական հեղափոխության Պահապանները և սիրելի Իրանը, ձեռքերը ձգանին, ավելի քան երբևէ պատրաստ են կատարել Գերագույն գլխավոր հրամանատարի հրամանները։ Առաջնորդ, որը սեփական կյանքից ավելի թանկ է»:
ԻՀՊԿ գլխավոր հրամանատարն ուղերձում ասել է. «Այս բարեբաստիկ օրը, շնորհավորելով Քարբալայի առաջնորդ հազրաթ Աբոլֆազլ ալ-Աբբասի ծննդյան, «Վետերանների օրվա» և հազրաթ Զեյն ալ-Աբեդին իմամ Սաջադի ծննդյան կապակցությամբ, իմ ողջույններն եմ հղում ԻՀՊԿ նահատակներին, մասնավորապես՝ Հոսեյն Սալամիին, Հաջ Ղասեմ Սոլեյմանիին, Ղոլամ Ալի Ռաշիդին, Մոհամմադ Բաղերիին, Ալի Շադմանիին, Ամիր Ալի Հաջիզադեին և 12-օրյա պատերազմի, վերջին անկարգությունների Սուրբ Ղոդսի ազատագրման ճանապարհին իրանցի մյուս նահատակներին։ Ամենակարող Աստծուց խնդրում եմ շարունակական հաջողություններ բանակի և Իսլամական հեղափոխության պահապանների կորպուսի համար՝ իրենց վտանգավոր առաքելությունները կատարելու գործում, հատկապես ներկայիս զգայուն պատմական ժամանակաշրջանում՝ Բարձրյալի շնորհի լույսի ներքո և հետևելով Նրա օրինական տեղակալ՝ Գերագույն առաջնորդ և զինված ուժերի գերագույն հրամանատար հազրաթ Այաթոլլահ Ալի Խամենեիի իմաստուն հրամաններին և ուղեցույցներին»:
