Իրանը միջնորդներին է փոխանցել պարտադրված պատերազմի վերաբերյալ իր դիտարկումները
ԻԻՀ ԱԳՆ խոսնակ Էսմայիլ Բաղային նշել է, որ Իրանը միջնորդներից պատերազմի վերաբերյալ հաղորդագրություններ է ստացել և ասել է. «Մեր դիրքորոշումը շատ հստակ է, և մենք պաշտպանողական դիրքում ենք, քանի որ մենք անընդհատ հրթիռային հարձակումների և ռմբակոծությունների տակ ենք ԱՄՆ-ի և Իսրայելի կողմից, և այս պայմաններում մեր զինված ուժերը և ամբողջ ազգը 100%-ով կենտրոնացած են Իրանի տարածքի և ինքնիշխանության պաշտպանության վրա: Մենք միջնորդներին ենք փոխանցել այս պարտադրված պատերազմի վերաբերյալ մեր դիրքորոշումները»:
Նա հավելել է. «Աշխարհում տեղի ունեցողն ԱՄՆ-ի և Իսրայելի կողմից Իրանի դեմ ագրեսիվ գործողությունների ուղղակի արդյունքն է: Դա ազդել է ամբողջ տարածաշրջանի, Պարսից ծոցի, Օմանի ծովի և Հորմուզի նեղուցի անվտանգության վրա և լուրջ հետևանքներ է ունեցել համաշխարհային տնտեսության համար»:
Բաղայիի խոսքի ամբողջական տեքստը ներկայացված է ստորև: